Author: Admin

Travelling Journal

လေကြောင်းဖြင့်လာရောက်လည်ပတ်ကြသည့်
တရုတ်နိုင်ငံသားနှင့် အိန္ဒိယနိုင်ငံသား ကမ္ဘာလှည့်ခရီးသည်များအတွက် ဆိုက်ရောက်ဗီဇာ (Visa on Arrival)စမ်းသပ်ကာလ ကို တစ်နှစ် စတင်ခွင့်ပြု လိုက်ကြောင်းသိရသည်။

ဟိုတယ်နှင့်ခရီးသွားလာရေးဝန်ကြီးဌာန မှ စက်တင်ဘာ (၇) ရက်စွဲ ဖြင့်ထုတ်ပြန်ပြီး မြန်မာနိုင်ငံခရီးသွားလုပ်ငန်း အဖွဲ့ချုပ်အပါအဝင် သက်ဆိုင်ရာများကို အသိပေးထားကြောင်း သိရသည်။

အဆိုပါ ဆိုက်ရောက်ဗီဇာ (ကမ္ဘာလှည့်)Tourist Visa on Arrival အား စမ်းသပ်ကာလ (၁)နှစ် ကို ၂၀၂၃ ခုနှစ်၊ (၈ )လပိုင်း (၃၀) ရက်မှ စတင်ခွင့်ပြုပေးခဲ့ကြောင်း သိရသည်။

ထို့ပြင် ဝန်ကြီး ဌာန အနေဖြင့် “Welcome Russia Program in Myanmar” ဟူသော ခေါင်းစဥ်ဖြင့်ရုရှားခရီးသွား ဧည့်သည်များ ဝင်ရောက်နိုင်ရေးအတွက် ဆက်လက် ဆောင်ရွက် သွားမည်ဖြစ်ကြောင်းသိရသည်။

Travelling Journal

ကျေးလက်သဘာဝ ဆန်ဆန် အစိမ်းရောင် ရှုခင်းများဖြင့် ဆွဲဆောင်မှုရှိနေသော ဘားအံမြို့က ကော့မရမ်းရွာသို့ Photo Trip ပုံစံမျိုးဖြင့် ခရီးသွားများအကြား ရေပန်းစားလာနေပြီး သွားရောက် လည်ပတ်မှုများနေ​ကြောင်း သိရသည်။

ဘားအံမြို့သည် မိုးရာသီကာလတွင် စိမ်းစိုနေသည့်စပါးခင်းများနှင့် လှပနေသော ကြောင့် ယခုကာလ၌ ဧည့်သည်များမှာ ဘားအံသို့သွားရောက်လည်ပတ်မှုများပြားခြင်းဖြစ်ကြောင်းသိရသည်။

ခရီးသွားများလာရောက်လည်ပတ်ပါက စိတ်ကျေနပ်မှုရရှိစေရန် ဒေသခံခရီးသွားဝန်ဆောင်မှုပေးနေသူများကလည်း Mobile Phone Photo Services များကိုပါ ထည့်သွင်းပေးလာကြောင်း အဆိုပါ ဝန်ဆောင်မှုလုပ်ကိုင်နေသည့် ဒေသခံဧည့်လမ်းညွန်တစ်ဦး က Travelling သို့ ပြောသည်။

Green Season ကာလတွင် ဘားအံမြို့သို့ ပြည်တွင်းခရီးသွားဧည့်သည်များသွားရောက်လည်ပတ်ရန် ဆွဲဆောင်လာနေပြီး လက်ရှိကာလများတွင် ပြည်တွင်းခရီးသွားဧည့်သည်ကိုသာ အဓိက ဆွဲဆောင်နေရကြောင်း ကရင်ပြည်နယ်ဟိုတယ်ခရီးတာဝန်ခံက Travelling သို့ ပြောသည်။

ယခင်က ဘားအံ မြို့သို့ ခရီးသွားအများစုသွားရောက်ရာတွင် Sightseeing ကိုသာ အဓိ က ထားခဲ့သော်လည်း လက်ရှိတွင် သမာရိုးကျလမ်းကြောင်းများမှ ခွဲထွက်ပြီး Mini Photo Trip ပုံစံများဖြင့် ခရီးသွားဧည့်သည်များကို ဆွဲဆောင်ကာ ဝန်ဆောင်မှု ပေးနေကြောင်း ဒေသခံ တစ်ဦးက Travelling သို့ပြောသည်။

လက်ရှိ ကာလတွင် ဘားအံမြို့၏ Photo Point
များအဖြစ် ခရီးသွား ဧည့်သည် များ အကြား ပေါ်ပြူလာ ဖြစ်လာသည့်နေရာများမှာ ကော့မရမ်းရွာ၊ ထွန့်ပတိုင်၊ လှိုင်ကားကျေးရွာရှိ လှိုင်ကား​ ရေတံခွန် နှင့် ကော့နန်းသာရွာ Photo Point များသို့ ခရီးသွားများ အဓိက သွားရောက်လည်ပတ်နေကြောင်းသိရသည်။

ထို့ပြင် ကော့မရမ်းရွာ သည် အရှေ့တောင်အာရှနိုင်ငံများက ပေးအပ်သည့် Sustainable Tourism Award (2022 )ဆု ရရှိခဲ့ သည့် ကျေးရွာ တစ်ခု ဖြစ်ကြောင်း သိရသည်။

ပုံ/စာ – ကော့မရမ်းကျေးရွာသို့ သွားရောက်လည်ပတ်နေကြသည့် ပြည်တွင်းခရီးသွားတစ်ချို့ကို တွေ့ရစဥ်။

Photo Thura Oo

Travelling Journal

ထိုင်း ဗီဇာဝန်ဆောင်မှု လုပ်ကိုင်ရန်အတွက်
ရန်ကုန် အ​​ခြေစိုက် မြန်မာခရီးသွားကုမ္ပဏီ(၂၃) ခုကို ထိုင်းသံရုံးက ရွေးချယ်ခဲ့ကြောင်း သိရသည်။

ရွေးချယ်ခံထားရသည့်ကုမ္ပဏီ(၂၃) ခုမှ တာဝန် ခံပြီး ထိုင်းဗီဇာလျှောက်ထားခွင့်ကိုရရှိခြင်းဖြစ်ကြောင်း သိရသည်။

ယခင်က ထိုင်းဗီဇာရရှိမှုကို လူကိုယ်တိုင်သံရုံးသို့သွားရောက်လျှောက်ထားရသော်လည်း
ဩဂုတ်လ ၂ ရက်မှ စတင်ပြီး ထိုင်းသံရုံးက ရွေးချယ်ထားသည့် ခရီးသွား လာရေးကုမ္ပဏီများမှတဆင့်ဆောင်ရွက် နိုင်ပြီဖြစ်ကြောင်း သိရသည်။

“မြန်မာကုမ္ပဏီပေါင်း ၄၀၀ ကျော် လျှောက်ခဲ့ပါတယ်။ အဲဒီထဲကနေ အစ်မတို့အပါအဝင် ကုမ္ပဏီ၂၃ ခုကို ရွေးချယ်ခဲ့ပါတယ် ။ ကျွန်မ တို့ဆီဆက်သွယ်လိုက်တာနဲ့ ကုမ္ပဏီကနေ အစအဆုံး ဗီဇာရတဲ့အထိဆောင်ရွက်ပေးပါတယ်။ အထူးသဖြင့်နယ်က ဗီဇာလုပ်ချင်တဲ့သူတွေအတွက် အရမ်းအဆင်ပြေသွားတယ်။
လူကိုယ်တိုင်မလာရပဲ စာရွက် စာတမ်းပို့ပေးရုံနဲ့ရပါတယ်။ တချို့က မြဝတီကနေ သွားချင်တဲ့သူတွေအတွက် အဆင်ပြေစေပါတယ် “လို့ ဗီဇာဝန်ဆောင်မှု ရရှိတဲ့ Tango Travel &Tour မှ တာဝန် ရှိသူက Travelling သို့ ပြောသည်။

မိမိလျှောက်ထားလိုသည့် ဗီဇာကြေးပေါ်မူတည်ပြီး ၃၅ ဒေါ်လာမှ ဒေါ်လာ ၂၀၀၀ ထိ ရှိကြောင်းသိရသည်။

“အစ်မတို့ တင်ပေးပြီး အစ်မတို့ပဲ သံရုံးမှာ ပြန်ယူပေးရတာပါ။Visa fees က တော့ Tourist visa ဆိုရင် USD 40 ပါ ။ကိုယ်တိုင်သွားဖို့ အခက်အခဲ ရှိတဲ့ ခရီးသည်တွေ အစ်မတို့ဆီက တဆင့် တင်မယ်ဆိုရင် လူလိုက်စရာ မလိုဘူး ပေါ့နော် ။ တကယ်လို့ ခရီးသည်က ကိုယ်တိုင်တင်ချင်ရင်လည်း တင်လို့ရပါတယ်။ မနက် ၈ နာရီ တန်းစီပြီး ဝင်ရတယ်။ နောက်နေ့ Passport ကိုယ်တိုင် ပြန်ယူရတယ်။ အမတို့ဆီဆိုရင်တော့ အဲဒါတွေ လုပ်စရာ မလိုပါဘူး “ဟု Htoo Travels မှ တာဝန်ရှိသူ က Travelling သို့ပြောသည် ။

Travelling Journal

ပြည်တွင်းခရီးသွား အများဆုံး သွားရောက်လည်ပတ်ကြသည့် ချောင်းသာကမ်းခြေတွင် အမှတ်တရ ဓာတ်ပုံ ရိုက်ကူးနိုင်မည့် နေရာအသစ်တစ်ခုကို ဖော်ဆောင်နေကြောင်း သိရသည် ။

ချောင်းသာကမ်းခြေမှ ကျောက်မောင်နှမ ဘက်ခြမ်းသို့ သွားရောက်သည့် လမ်းမဘေး၌ ပင်လယ်ကမ်းခြေကို ​နောက်ခံထားပြီး We Love ChaungTha စာသားပါသည့် ဆိုင်းဘုတ်ကို တပ်ဆင်သွားမည်ဖြစ်​ကြောင်းဟိုတယ် နှင့် ခရီးသွားလာရေးညွန်ကြားမှု ဦးစီးဌာန (ချောင်းသာ) မှ တာဝန်ရှိသူ က Travelling သို့ ပြောသည် ။

” New ChaungTha က မတည်ပြီး ကျန်တဲ့ဟိုတယ်လုပ်ငန်းရှင်တွေနဲ့ အလှူရှင်တွေစုပေါင်းပြီး အခုလိုဓာတ်ပုံရိုက်ကူးနိုင်မဲ့နေရာတစ်ခုကို ဖော်ဆောင်တာပါ။ ဒီလထဲတော့ စ လုပ်နေပါပြီ။ ၈ လပိုင်းမကုန်ခင်ပြီးဖို့ကြိုးစားနေပါတယ် “ဟု ချောင်းသာဟိုတယ်နှင့်ခရီးသွားညွန်ကြားမှူဦးစီးဌာနက တာဝန်ရှိသူ က Travelling သို့ပြောသည်။

ပြည်တွင်းခရီးသွားများသွားရောက်လည်ပတ်ကြသည့် နေရာအများစုတွင် ဒေသနာမည်များဖြင့် အမှတ်တရဓာတ်ပုံရိုက်ကူးနိုင်သည့်နေရာများကို ဖော်ဆောင်ထား​​ကြောင်းသိရသည်။

လက်ရှိတွင် ချောင်းသာကမ်းခြေကို အမှီပြုပြီး ဟိုတယ် အလုံး ၄၀ ကျော်နှင့် နှင့် တည်ခိုခန်း ၅၉ လုံးရှိကြောင်း သိရသည်။

ပုံစာ – တည်ဆောက်သွားမည့်ပုံကြမ်းကိုတွေ့ရစဥ်။

#Travelling Journal

ဧရာဝတီတိုင်းဒေသကြီး၊ ပုသိမ်ခရိုင်၊ ငွေဆောင်ကမ်းခြေရှိ  At The Sea ဟိုတယ်ရှေ့သို့ Dolphin အမျိုးအစား ဒေသအခေါ် (လင်းရှူး) တစ်ကောင် အလည်ရောက်၍ သက်ဆိုင်ရာနှင့်ဟိုတယ်ဝန်ထမ်းများက ပြန်လွှတ်ပေးခဲ့ကြောင်း သိရသည်။

” မနေ့က နေ့လည် ၁ နာရီကျော် လောက်မှာ ဟိုတယ်ရှေ့က ကမ်းခြေကို ကမ်းတင်လာတာ။ ငွေဆောင်ကမ်းခြေကို ခုလိုမ်ိဳးရောက်လာတာ လေးကြိမ်လောက်ရှိျပီ။ ဟိုတယ်ရှေ့က ကမ်းခြေကို လာတင်တာကတော့  နှစ်ကြိမ်လာက္ရွိပြီ။ ပင်လယ်နက်ရေစီးကြောင်းထဲ ပြန်လွှတ်ပေးခဲ့ပါတယ်”ဟု ယင်း ဟိုတယ်ပိုင်ရှင် က Travelling သို့ ပြောသည်။

အဆိုပါလင်းရှူးငါးများသည် ရှားပါးသည့် ရေနေ နို့တိုက်သတ္တဝါအမျိုးအစားဖြစ်ပြီး မျိုးသုန်း ပျောက်ကွယ်တော့မည့် စာရင်းတွင် ပါနေသော်လည်း  လက်ရှိအချိန်ထိ အကောင်ရေ မည်မျှရှိသည်ကို မသိရှိရသေးကြောင်း သိရသည်။

ယင်းကဲ့သို့ လင်းရှူးများ ပင်လယ်ကမ်း​​စပ်သို့ ရောက်လာရခြင်း အကြောင်းရင်းများမှာ ရေအောက်ကြမ်းပြင် တုန်ခါမှုဖြစ်ခြင်း ၊အစာေနာက်လိုက်ခြင်းနှင့် ရေလမ္းကြောင်းလြဲသည့်အခါများတွင် ကမ်းစပ်သို့ ရောက်လာတတ်ကြပြီး ဒေသခံများအနေဖြင့် ယခုကဲ့သို့ လင်းရှူးငါးများ ကမ်းစပ်သို့ရောက်ရှိလာခြင်းမှာ နေမကောင်းခြင်းကြောင့် မှတ်ယူတတ်ကြလေ့ရှိကြောင်း ဧရာဝတီတိုင်း ဒေသကြီး ငါးလုပ်ငန်းဦးစီးဌာန၊ ချောင်းသာ နှင့်ငွေဆောင်ကို တာဝန်ယူရသည့် တာဝန်ရှိသူက Travelling သို့ ပြောသည်။

အဆိုပါ လင်းရှူးငါးကို သက်ဆိုင်ရာနှင့် ဟိုတယ်ဝန်ထမ်းများက Speedboat နှင့် ခေါ်ဆောင်သွားပြီး ရေအေးစီးကြောင်း လမ်းကြောင်းထဲသို့ ပြန်လည်လွှတ်ပေးခဲ့ကြောင်းသိရသည်။

Travelling Journal

သုံးရောင်ခြယ်မြို့ဟု တင်စားခေါ်ဝေါ်ရသည့် ပင်းတယမြို့သို့ ခရီးသွားဧည့်သည်များ သွားရောက် လည်ပတ်ရာတွင် ဝင်ရောက် လည်ပတ်စရာ ဖြစ်လာမည့် အကြင်နာဥယျာဥ် အမည်ရှိ (AKYIN NAR GARDEN) View Point ကို မကြာမီ ဖွင့်လှစ်ရန်ပြင်ဆင်နေပြီဖြစ်​ကြောင်း အကြင်နာဥယျာဥ် ပိုင်ရှင် ဖြစ်သူက Travelling သို့ ပြောသည်။

အဆိုပါအကြင်နာဥယျာဥ်ကို ေျမဧက ၂.၃၅ ဧက ပေါ်တွင် ဖော်ဆောင်ထားပြီး နားနေဆောင်နေရာ( ဝါးတဲ )၊စပျစ်စိုက်ခင်း ၊ လေသာ ဆောင် ( ရှု့​ခင်းကြည့် လေသာဆောင်) ၊ ကြိုးတံတား စသည့် Photo Booths များကို ထည့်သွင်းထား​​ကာ ရပ်နီးရပ်ဝေး ခရီးတထောက် ဝင်ရောက်အပန်းဖြေနားနိုင်အောင်ရည်ရွယ်ပြီး တည်ဆောက်ထား​ကြောင်းသိရသည်။

” အကြင်နာဥယျာဥ္ ဆိုတဲ့ နာမည်နဲ့ လိုက်ဖက်အောင် အေးချမ်းစွာ ခေတ္တလာရောက် အနားယူနိုင်အောင် Garden Land scaping ကို သေချာဖန်တီးေပးထားပါတယ္။ေနာက္ျပီးေတာ့ mini golf green field ပါ ထည့်သွင်းတည်ဆောက္သြားဖုိ႔လဲ ရွိပါတယ္။ ပင်းတယဘက်သွားရင် ပထမဆုံးသောမဝင်မဖြစ် လည်ပတ္ရမဲ့ တစ္နေရာဆိုတာ အသေချာပဲ”ဟု အကြင်နာဥယျာဥ် ပိုင်ရှင် ဖြစ်သူက Travelling သို့ပြောသည်။

ထို့ပြင် ၁ ဧက ခွဲ ရှိသည့် 360 View ကြည့်ရှု့နိုင်မည့် တောင်ပေါ်မှ လည်း ရှုခင်းများကို ကြည့်ရှုနိုင်ပြီး တောင်ပေါ်၌ နောက်ပိုင်း များတွင် Camping Site ကို ဖော်ဆောင်သွားမည် ဖြစ်​​ ကြောင်း သိရသည်။

အဆိုပါ ဥယျာဥ်ကို ပင်းတယ – အောင်ပန်း ကားလမ်းဘေး သမိုင်းဝင် ဆံတော်တောင်သွားတဲ့ လမ်း ၊ ကန်ထောင့်ကျေးရွာ (ပွေးလှ)တွင် တည်ရှိ​​ပြီး လက်ရှိတွင် ၈၅ ရာခိုင်နှုန်း ခန့် ပြီးစီးပြီဖြစ်ကြောင်းသိရသည်။

Photo Bo Zaw

Travelling Journal

ဂူတွေ၏ မြို့တော်ဟု တင်စားခံရသည့် ဘားအံမြို့တွင် ပြည်တွင်းခရီးသွားဧည့်သည် အများဆုံး သွားရောက်လည်ပတ်ကြသည့် ဆဒ္ဒန်ဂူထက် ပိုလှပြီး ဂူအတွင်းပိုင်း၏ ကျောက်စက် ပန်းဆွဲများနှင့်ကျောက်စက်မိုးမျှော်များမှာ လှပပြီး အရိုင်းဆန်သောလှိုဏ်ဂူအသစ်ကို စတင်တွေ့ရှိ ခဲ့ကြောင်း ဘားအံမြို့က ဒေသခံ ဧည့်လမ်းညွန်တစ်ဦးက Travelling သို့ ပြောသည်။

ယင်းဂူသို့ ခရီးသွားဧည့်သည်များ မရောက်ရှိသေးသလို လူသူအရောက်အပေါက်နည်းပြီး ထိတွေ့မှုနည်းပါးသည့် လှိုဏ်ဂူ အသစ်တစ်ခုဖြစ်နေကြောင်း ယင်းလှိုဏ်ဂူသို့ နယ်ခံအကူအညီဖြင့် ရောက်ရှိခဲ့သည့် အဆိုပါဧည့်လမ်းညွန်က ပြောသည်။

“ကျွန်တော် ဒီဂူကို ရောက်ရှိချိန်မှာ အစပိုင်း ဝင်သွားတုန်းကတော့ သိပ်ပြီးဆွဲဆောင်မှုမရှိပါဘူး။ ပုံမှန်လိုမျိုးပါပဲ။ ဒါပေမဲ့ နောက်ထပ်အပိုင်းတစ်ပိုင်းကို ရောက်သွားချိန်မှာတော့ Discovery ကိုရောက်နေရသလိုမျိုး အံ့ဩရမိပါတယ်။ ဂူက အကန့်နှစ်ကန့်ပုံစံမျိုးတည်ရှိနေပါတယ်။ နာမည်တော့မပေးရသေးပါဘူး။ အများသိသွားရင် လာရောက်လည်ပတ်တဲ့သူများပြီး ပျက်ဆီးသွားမှာစိုးရိမ်လို့ တည်နေရာကိုတော့ မပြောပါရစေနဲ့။လက်ရှိတော့ ဧည့်သည်တွေကိုလည်း မပို့ပေး
​​ေသးဘူး”ဟု သွားရောက်ခဲ့သည့် ဒေသခံ
ဧည့်လမ်းညွှန် က Travelling သို့ပြောသည်။

ယင်းလှိုဏ်ဂူအသစ်သည် ဆဒ္ဒန်ဂူရှိကျောက်စက်ပန်းဆွဲများနှင့်ကျောက်စက်မိုးမျှော်များထက် ပိုလှပပြီး လှိုဏ်ဂူတစ်ခုလုံး အရောင် ဖျိုးဖျိုးဖျတ်ဖျတ်နှင့် တွေ့ရှိရကြောင်း သိရသည်။

” လှိုဏ်ဂူတစ်ခုလုံး မီးရောင်ထိရင် ဖျိုးဖျိုးဖျတ်ဖျက် လက်နေပြီး ကျောက်စက်မိုးမျှော်နဲ့ အရမ်းလှတယ်။ ကျောက်စက်ပန်းဆွဲတွေကလည်း တစ်ဂူလုံးအပြည့်ပါပဲ”ဟု ယင်းဒေသခံက Travelling သို့ပြောသည်။

ယင်းလှိုဏ်ဂူ၏ အဝင်ဝမှာ အနည်းငယ်ကျဉ်းသော်လည်း ဂူထဲရောက်ရှိချိန်တွင် အတော်အသင့်ကျယ်ပြီး တစ်ဖက်ပိတ်လှိုဏ်ဂူအမျိုးအစားဖြစ်ကြောင်းသိရသည်။

ဘားအံမြို့သည် တောင်များ၏ မြို့တော်ဟုခေါ်ဆိုနိုင်သလို ဂူများ၏ မြို့တော်ဟုလည်းခေါ်ဆိုနိုင်ပြီး ဘားအံမြို့၏ အထင်ကရ ဂူများမှာ ကော့ဂွန်းဂူ၊ကျွဲမင်းဂူ၊ရသေ့ပျံဂူ၊သဘာဝရေလှိုဏ်ဂူ၊စပါးဂူ၊အာလဝံဂူ၊သရဲဂူ၊လင်းနိူ့ဂူ (၂) ၊သဘာဝရေလှိုဏ်ဂူ (၂)၊ရွှေကြာပွင့်ဂူ၊ဘုရင်ညီဂူ၊လင်းနို့ဂူ၊ထောင်ဝိဂူ၊နောင်ခရိုင်ရေဂူ၊ပဒုမ္မာဂူ၊ဆဒ္ဒန်ဂူ၊ဆင်ဟိုင်းဂူ၊ကော့ကသောင်ဂူ၊ပတ္တမြားဂူ၊က္ကစ္ဆာသယဂူ၊ဝဲပျံဂူ၊ဖားပျံဂူ၊ပဒုံဂူ၊လွန်းညဂူ၊မိကရင်ဂူ၊ဝေပုလ္လဂူတို့ဖြစ်ပြီး ယင်းဂူများသို့ သွားရောက်လည်ပတ်ရန်မှာ အချိန်အားဖြင့် တစ်ပတ်ခန့် ပေးရကြောင်း သိရသည်။

Photo Thura

ပုံ/စာ မကြာသေးခင်ကသွားရောက်လေ့လာခဲ့သည့် အဆိုပါလှိုဏ်ဂူအသစ်ကို တွေ့ရှိရစဥ်။

Travelling Journal

ခရီးသွားမြို့တော်အဖြစ်ကြိုးစားဆောင်ရွက်နေသည့် မြန်မာနိုင်ငံ၏ တစ်ခုတည်းသော ရေခဲတောင်ဒေသတည်ရှိရာ ပူတာအို မြို့တွင် CB ဘဏ်အုပ်စုမှ အကြီးမားဆုံး ရင်းနှီးမြှုပ်နှံမှုဖြင့် အပန်းဖြေစခန်းများပါ ပါဝင်သည့် ဟိုတယ်စီမံကိန်းကို ဆောင် ရွက်နေကြောင်း သိရသည်။

အဆိုပါစီမံကိန်းကို ပူတာအိုမြို့၏ အထင်ကရ ကောင်းမှုလုံစေတီ နှင့် ၁၄ ကီလိုမီတာ ကွာဝေးသည့် မျက်နှာချင်းဆိုင် မြစ်တစ်ဖက်ကမ်းတွင် ဆောင်ရွက်နေကြောင်း သိရသည်။

မြေလွတ်မြေရိုင်းဧက (၁၇) ဧကကျော်ကို အခြားနည်းသုံးစွဲခွင့်ဖြင့် ရရှိထားပြီး ယင်းမြေပေါ်တွင် နှစ်ယောက်အိပ်ခန်း ပါဝင် သည့် ဘန်ဂလို (၁၁ ) လုံးလောက်ကို ဆောက်လုပ်သွားမည်ဟု ဟိုတယ်နှင့်ခရီးသွားညွန်ကြားမှုဦးစီးဌာန (ပူတာအို) သို့
အစောပိုင်းကာလက တင်ပြသည့် စာရင်းတွင်ဖော်ပြထားကြောင်းသိရသည်။

“ကျွန်တော်တို့ ဆီ ၂၀၂၀ ဇန်နဝါရီ လောက်က စာတင်ပြထားတာကတော့ ဘန်ဂလို Type အမျိုးအစားလို့ပဲ ဖော်ပြထားပါတယ်။ ကြားရတဲ့ လေးထပ်အဆောက်အအုံဆောက်လုပ်တာကတော့ မကြားမိပါဘူး။ ဟိုရက်ပိုင်းက အဲဒီဘက်ရောက်တော့ လုပ်ငန်းခွင်လုပ်နေတာတော့ တွေ့ရပါတယ်။ဆောက်လုပ်ရေးလုပ်ငန်းကို ကာရံထားတော့ အပြင်ကနေ ကြည့်ရတာက မမြင်ရပါဘူး “ဟု ပူတာအို ဟိုတယ်ခရီးတာဝန်ခံ က Travelling သို့ ပြောသည် ။

အဆိုပါစီမံကိန်းတွင် စားသောက်ဆိုင်များ၊ စက်လှေဂိတ်များ အပါအဝင် မြေယာရှုခင်းအလှဆင်လုပ်ငန်းများကို အဓိကလုပ် ကိုင်သွားမည်ဖြစ်ကာ လျှောက်လမ်းများတွင် ဒေသထွက်အသီးများ​ဖြစ်သည့် ဂရိတ်ဖုသီးအပင်များကို ထည့်သွင်းစိုက်ပျိိုးသွား မည်ဖြစ်ပြီး လာရောက်တည်းခိုသည့် ဧည့်သည်များ အသင့်ခူးစားနိုင်ရန် ရည်ရွယ်ချက်ဖြင့် စိုက်ပျိုးသွားမည်ဖြစ်ကြောင်းသိရသည်။

ထို့ပြင် ဘန်ဂလိုများကို ဒေသကထွက်ရှိသည့် သစ်ထွက်ပစ္စည်းများဖြင့် ဆောက်လုပ်သွားမည်ဖြစ်ပြီး ရိုးရာဓလေ့များ မပျောက်စေရန် တည်ဆောက်သွားမည် ဖြစ်ကြောင်းသိရသည်။

လက်ရှိတွင် ပူတာအိုမြို့ပေါ်တွင် ဟိုတယ်/ခရီးလိုင်စင် ရယူထားသည့် ဟိုတယ် ငါး လုံးနှင့် တည်းခိုရိပ်သာ သုံးလုံးရှိကြောင်းသိရသည်။

Travelling Journal

အနီရောင်အဆင့်ရှိသော “မိုခါ” ဆိုင်ကလုန်းမုန်တိုင်းအန္တရာယ်ကြောင့် ချောင်းသာ တစ်ရွာလုံးမုန်တိုင်းအန္တရာယ်ကင်းလွတ်မည့် နေရာများသို့ တိမ်းရှောင်ထားပြီး ဖြစ်ကြောင်း (၁) ရပ်ကွက် အုပ်ချုပ်ရေးမှုး ဦးတင်ငြိမ်း က Travelling သို့ပြောသည်။

ကမ်းခြေနှင့်နီးသည့် ရပ်ကွက် (၁) မှ နေထိုင်သူ ဒေသခံ လူဦးရေ (၇၄၈ ) ဦးကို ဒေါနတောင်သို့ လည်ကောင်း၊ ရပ်ကွက်( ၂) မှ နေထိုင်သူ ဒေသခံများကို စကားဝါတောင်သို့ လည်ကောင်း ၊ ရပ်ကွက်( ၃ )မှ ဒေသခံ များကို Shelter တွင်လည်ကောင်း ၊ ရွာမ ဘုန်းတော်ကြီးကျောင်းတွင်လည်ကောင်း ပြောင်းရွေ့တိမ်းရှောင်နေကြောင်းသိရသည်။

“လက်ရှိကတော့ မိုးအုံ့နေတယ်။ လေမတိုက်ဘူး။ လေငြိမ်နေတယ် ။ ဒေသခံ တွေကို နေရာငါးနေရာခွဲ ပြီး ထားရှိပေးထားတယ် ” ဟု ချောင်း သာ အုပ်ချုပ်ရေးမှူး ဦးသီဟ အောင် က Travelling သို့ ပြောသည်။

မုန်တိုင်းတိမ်းရှောင်နေကြ သည့် ဒေသခံများအတွက် သောက်ရေ၊သုံးရေများကို သက်ဆိုင်ရာမှကူညီပံ့ပိုးပေးထားပြီး ဆန်နှင့် ခေါက်ဆွဲခြောက်များကိုလည်း ပံ့ပိုးပေးထားကြောင်းသိရသည်။

အဆိုပါ ဒေသခံများကို မေလ ၁၁ ရက် ၊ မေလ ၁၂ ရက် နေ့များမှစတင်ပြီး ပြောင်းရွေ့ပေးထားကြောင်းသိရသည်။

“ဒေသခံ အကုန်လုံး နီးပါး တိမ်းရှောင်နေရာတွေကို ရောက်နေကြပါပြီ။ လူငယ် လူရွယ် အသက်ငယ်တဲ့သူတွေလောက်သာ မြို့ထဲက ရွာမ ဘုန်းကြီးကျောင်း မှာပြောင်း ရွေ့နေကြပါတယ် “ဟု ချောင်း သာ ၁ ရပ်ကွက် အုပ်ချုပ်ရေးမှုး က Travelling သို့ပြောသည်။

မိုးဇလ၏ ယနေ့ မေလ ၁၃ ရက်နေ့ ၁၂ နာရီတိုင်းထွာချက်အရ “မိုခါ”မုန်တိုင်းသည် မြန်မာနိုင်ငံ ကိုကိုးကျွန်းမြို့၏ အနောက် – အနောက်မြောက်ဘက် ရေမိုင် (၂၄၅) မိုင်ခန့်၊ ဟိုင်းကြီးကျွန်းမြို့၏ အနောက်ဘက် ရေမိုင် (၂၇၅) မိုင်ခန့်၊ စစ်တွေမြို့၏ တောင် – အနောက်တောင်ဘက် ရေမိုင် ၃၁၀ မိုင်ခန့်၊ အိန္ဒိယနိုင်ငံ ပို့ပလဲယား၏ အနောက်မြောက်ဘက်ရေမိုင်(၃၂၀)မိုင်ခန့်နှင့် ဘင်္ဂလားဒေ့ရှ်နိုင်ငံ ကော့ဘဇားမြို့၏ တောင်-အနောက်တောင်ဘက် ရေမိုင်(၃၅၅)မိုင်ခန့်အကွာ ပင်လယ်ပြင်ကို ဗဟိုပြုနေကြောင်း ထကြေညာထားချက်များအရသိရသည်။

ဓာတ်ပုံ -ဦးတင်ငြိမ်း /Soe Hlaing Oo

Travelling Journal

ကိုဗစ်ကပ်ရောဂါဖြစ်ပွားပြီး နောက်ပိုင်း မြောက်ဦးဒေသသို့ ထိုင်းခရီးသွားအဖွဲ့ ပထမဆုံးလာရောက်လည်ပတ်ခဲ့ကြောင်း အဆိုပါ ထိုင်းခရီးသွားဧည့်သည်များကို လိုက်လံပို့ဆောင်ပေးခဲ့သည့် ဒေသခံဧည့်လမ်းညွန် က Travelling သို့ပြောသည်။

အဆိုပါ ထိုင်းခရီးသွားအဖွဲ့သည် ဧပြီလ ၃၀ ရက်မှ မေလ ၄ ရက်အထိ မြောက်ဦးမြို့၏ အထင်ကရနေရာများကို ငါးရက်တိုင်တိုင် လေ့လာလည်ပတ်ခဲ့ပြီး စစ်တွေမြို့မှ ရန်ကုန်မြို့သို့ ပြန်လည် ထွက်ခွာ သွားကြောင်း သိရသည်။

မြောက်ဦးဒေသသို့ ယခုကဲ့သို့ ပြည်ပဧည့်သည် လာရောက်ခြင်းမှာ ၂၀၂၃ ခုနှစ် ၏ ပထမဆုံးလာရောက်လည်ပတ်သည့် ပြည်ပခရီးသွားဧည့်သည်များ ဖြစ်ပြီးလက်ရှိကာလများ တွင် ပြည်တွင်းဘုရားဖူးများလည်း လာရောက်လည်ပတ်နေကြကြောင်း ရခိုင်ပြည်နယ် ဟိုတယ်ခရီး တာဝန်ခံက Travelling သို့ ပြောသည်။

ပထဆုံး လာရောက်လည်ပတ်ခဲ့သည့် အဖွဲ့တွင် ထိုင်းအမျိုးသား ၈ ဦး နှင့်ထိုင်းအမျိုးသမီး ၈ ဦး လာရောက်ခဲ့ပြီး အသက်၅၀ ကျော် ထိုင်းဧည့်သည်များနှင့် အသက်၂၀ ဝန်းကျင် အရွယ် ထိုင်းအမျိုးသမီးသုံးဦး လိုကျပါလာပွီး မြောက်ဦး မြို့ရှိအထင်ကရ ဘုရားများ ဖြစ်သည့် ကိုးသောင်းပုထိုးတော်ကြီး၊သျှစ်သောင်းပုထိုးတော်ကြီး၊ ထုက္ကန် သိမ်ပုထိုးတော်ကြီး၊သကျမာရ်အောင်စေတီ၊နန်းတော်ရာဟောင်း၊လက်ဆည် ကန် နှင့် စန္ဒမုနိပေါ်တော်မူ ဆုတောင်းပြည့် မဟာကျန်ဘုရား တို့ကို လည်ပတ်ခဲ့ကြောင်း သိရသည်။

” ကိုဗစ်ပြီးနောက်ပိုင်း ပထမဆုံးပြည်ပဧည့်သည်တွေကို တွေ့ရတာပါ။ အခုလိုလာရောက်လည်ပတ်ဖို့အတွက်လည်း ခွင့်ပြုချက်တွေ တော်တော်လေး ကြိုးစား ခဲ့ရပါတယ်။ ဧည့်သည် တွေလာရောက်လည်ပတ်တဲ့ကာလမှာ သျှစ်သောင်းပုထိုးတော်ကြီးရဲ့ဘုရားပွဲတော်ကို ကျင်းပနေတဲ့ကာလပါ။ သျှစ်သောင်းပုထိုးတော်ကြီးရဲ့ဘုရားပွဲတော်မှာကျင်းပပြုလုပ်တဲ့လှေပြိုင်ပွဲကတော့ အစည်ကားဆုံးလှေပြိုင်ပွဲ ပါ။ ဒီလို ပြိုင်ပွဲတွေကိုပါ မြင်တွေ့ခွင့်ရလို့ဧည်သည်တွေအရမ်းကို ပျော်ရွင်ကျေနပ်ခဲ့ရတယ်လို့” လိုက်ပါပို့ဆောင်ပေးတဲ့ ဒေသခံ ဧည့်လမ်းညွန် က Travelling သို့ ပြောသည်။

မြောက်ဦး မြို့၏ အထင်ကရ ပွဲတော်တစ်ခုဖြစ်သည့်သျှစ်သောင်းပုထိုးတော်ကြီးဘုရားပွဲတော်ကို မေလ ၂ ရက် မှ ၆ ရက်နေ့ထိတိုင် ကျင်းပကြောင်း သိရသည်။

လက်ရှိ တွင် မြောက်ဦးဒေသကို ကမ္ဘာ့ယဉ်ကျေးမှု အမွေအနှစ် (UNESCO) စာရင်းဝင်ရောက်နိုင် ဖို့ အတွက် အဆိုပြုလွှာမူကြမ်း တင်ထားပြီးဖြစ်ပြီးမြောက်ဦးမြို့ ကို ယူနက်စကိုထိန်းသိမ်းစောင့်ရှောက်ခံဒေသ ဖြစ်စေဖို့ ရိုက်ကူးပြသခဲ့သည့် ကျွန်မရဲ့ပုန်းကွယ်နေသောမြို့ မှတ်တမ်းရုပ်ရှင်ဇာတ်ကားမှာ ပြင်သစ်နိုင်ငံ Nice မြို့ တွင် ကျင်းပပြုလုပ်ခဲ့သည့် ပွဲတော်၌ အကောင်းဆုံးမှတ်တမ်းရုပ်ရှင်ဇာတ်ကားတိုဆုကို ရရှိခဲ့ ကြောင်း သိရသည်။

Photo Ma Mon/Travel&Tours

TravellingJournal

ကမ်းခြေမှ ပြန်လာပြီး ရေပန်းအောက် ရေဖွင့်ချိုးခဲ့ရာမှ ခရီးသွားတစ်ဦးသေဆုံးခဲ့ရသည့် ချောင်းသာကမ်းခြေက Supreme ဟိုတယ်ကို လျှပ်စစ်မီးဖြတ်တောက်ထားပြီး သက်ဆိုင်ရာအဖွဲ့များနှင့် ဆက်လက်စစ်ဆေးသွားမည်ဖြစ်ကြောင်း ချောင်းသာကမ်းခြေ လျှပ်စစ်ဓာတ်အားဖြန့်ဖြူးရေးဌာနမှ တာဝန်ရှိသူ က Travelling သို့ ပြောသည်။

ယင်း​​ဖြစ်စဥ်ဖြစ်ပွားရခြင်းအကြောင်းရင်းမှာ 200 KVA ထရန်စမာ(မီတအမှတ်-ECA006382) ၏ 400ဗို့ Main Panel မှတဆင့် ဟိုတယ် အတွင်းသို့ သွယ်တန်းထားသော Underground Cable ပေါက်ပြဲရာမှတဆင့် သမံတလင်းကို လျှပ်ကူးနေပြီး ထိုမှတဆင့် လျှပ်စစ်စီးကူး​ နေသည်ကိုမသိ၍ ရေပန်းအားဖွင့်ပြီး ရေချိုးခဲ့ရာမှ ယခုကဲ့သို့ ဓာတ်လိုက်သေဆုံးခဲ့ရကြောင်း သိရသည်။

“ကျွန်တော်တို့ မနေ့က သွားစစ်ဆေးခဲ့ပါတယ်။ စစ်ဆေးတဲ့အခါမှာ Cable သွယ်တန်းထားတဲ့ စနစ်မှားယွင်းပြီး တပ်ဆင်ရခြင်းကြောင့်လို့ သုံးသပ်ရပါတယ်။ ကျွန်တော်တို့ လျှပ်စစ်ဌာနပိုင်းဘက်က တာဝန်ယူရတဲ့ အပိုင်းမဟုတ်ပါဘူး။ ဒါကဟိုတယ် အတွင်းပိုင်းဘက်က တပ်ဆင်တဲ့သူတွေသို့မဟုတ် သူတို့ကန်တရိုက်တာ အပ်တဲ့ အဖွဲ့တွေဘက်ကနေ တပ်ဆင်တဲ့စနစ်မှားယွင်းတာကြောင့်ပါ။ တော်တော်များများ က ကျွန်တော်တို့ EPCကြောင့်လို့ ထင်ကြပါတယ်။ အဲဒါက မဟုတ်ပါဘူး။ သေချာတာက ရေရှိတဲ့နေရာနားမှာ လျှပ်စစ်ကြိုး သွယ်တန်းတာမျိုးတွေ တပ်ဆင်လို့မရပါဘူး။ ရေပန်းအောက်တွေမှာ လျှပ်စစ် ကြိုးတွေ မရှိသင့်ပါဘူး။ ဝေးဝေးမှာ တပ်ဆင်ရပါမယ်။ ဒါက ကျွန်တော်တို့ အစောပိုင်းက စစ်ဆေးချက်တွေပါ။ ထပ်ပြီး သက်ဆိုင်ရာအဖွဲ့တွေနဲ့ ထပ်စစ်ဆေးသွားအုံးမှာပါ ။ လက်ရှိမှာတော့ ဟိုတယ်ကို မီးဖြတ်ထားပါတယ်” ဟု ချောင်း သာ ကမ်းခြေ လျှပ်စစ်ဓာတ်အားဖြန့်ဖြူးရေးဌာနမှ တာဝန်ရှိသူ က Travelling သို့ ပြောသည် ။

ယခုဖြစ်စဥ်သည် Do and Don’t များကို လိုက်နာမှုအားနည်းခြင်းကြောင့်ဟုဆိုနိုင်ပြီး ဟိုတယ်များအနေဖြင့် မိမိဟိုတယ်များသို့သွယ်တန်းသည့် ထရန်စဖော်မာ ပေါ်မူတည်ပြီး Cable ကြိုးကို တပ်ဆင်ရသလို 200 KVA ဆိုပါက ၁၈၅ သို့ ၁၅၀ မီလီမီတာ Square ရှိသည့် Cable ကြိုးများကို တပ်ဆင်သင့်ကြောင်း ထို့ပြင်အမြဲမပြတ်စစ်ဆေးဆောင်ရွက်မှူများကိုလည်း ပြုလုပ်သင့်ကြောင်း လျှပ်စစ်ပိုင်းဆိုင်ရာကျွမ်းကျင် သူများက သုံးသပ်ပြောကြားသည်။

” လက်ရှိ ကျွန်တော်တို့ကတော့ လုပ်ထုံးလုပ်နည်းတွေနဲ့အညီ လုပ်ဖို့ ညွန်ကြားထားပါတယ်”ဟု ဧရာဝတီတိုင်း ဒေသကြီး (ပုသိမ်) မြို့ နယ်အုပ်ချုပ်ရေးမှုး က Travelling သို့ ပြောသည်။

လက်ရှိတွင် ချောင်းသာ ကမ်းခြေအခြေစိုက် ဖွင့်လှစ်ထားသည့် ဟိုတယ်/တည်းခိုရိပ်သာများအနေဖြင့် မိမိတို့ဟိုတယ်များတွင် တပ်ဆင်အသုံးပြုသည့်လျှပ်စစ်ဓာတ်အားပေးစနစ်များကို စနစ်တကျ တပ်ဆင်အသုံးပြုဆောင်ရွက်ရန် ဟိုတယ်နှင့်ခရီးသွားညွန်ကြားမှု ဦးစီးဌာန (ချောင်းသာဌာနခွဲ) မှ ယနေ့ မေလ၁ ရက်နေ့တွင် သက်ဆိုင်ရာဟိုတယ်များသို့ အသိပေးအကြောင်းကြားခဲ့ကြောင်းသိရသည်။

Travelling Journal

ချောင်းသာကမ်းခြေ အခြေစိုက် ဟိုတယ်တစ်ခုတွင်ခရီးသွားဧည့်သည် အမျိုးသားတစ်ဦး ယနေ့ နေ့လည် ၁နာရီ ဝန်းကျင်တွင် ရေချိုး Shower မှတဆင့် ဓာတ်လိုက်သေဆုံးခဲ့ကြောင်း သိရသည်။

အဆိုပါဖြစ်စဥ်မှာ ထူးခြားသည့်ဖြစ်စဥ်တစ်ခုဖြစ်ပြီး ၁၀ နှစ်ကျော်ကာလအတွင်း ယခုလိုဖြစ်စဥ်မျိုး မဖြစ်ပေါ်ခဲ့ကြောင်း ယင်းဟိုတယ်က တာဝန်ရှိသူ တစ်ဦးက Travelling journal သို့ ပြောသည်။

“ကျွန်တော် ဒီဟိုတယ်မှာအလုပ်လုပ်တာ ဆယ်စုနှစ်ကြာပါပြီ။ အခုလိုဖြစ်စဥ်က မရှိခဲ့ပါဘူး။ဟိုတယ်ရဲ့အပြင်ဘက်မှာ ထားပေးတဲ့ ရေချိုး Shower pump မှာ ရေချိုးရင်းနဲ့ ဖြစ်သွားတာပါ။ ဧည့်သည်က ကမ်းခြေ ကနေ ရေချိုးပြီးအဖော်တွေနဲ့ပြန်လာတယ်။သူတို့ ရေချိုးရင်းပါလာတဲ့ သဲတွေ ဆားငန်ရေတွေကို အရင်ဆေးတဲ့နေရာပါ။ အဲဒီနေရာကနေ ဓာတ်လိုက်ပြီး သေဆုံးခဲ့တာပါ။ ကျန်တဲ့နှစ်ယောက်ကတော့ ဘာမှမဖြစ်ခဲ့ပါဘူး။ကျွန်တော်တို့လည်း ဘာကြောင့်ဒီလိုဖြစ်ရတာကို အဖြေရှာပြီး ပြင်ဆင်ပြုပြင်ဆောင်ရွက်ပြီးဖြစ်ပါတယ်။ အခုတော့ သေဆုံးတဲ့သူ အမျိုးသားရဲ့ Dead Body ကို ရန်ကုန်ကို ပြန်သယ်သွားပါပြီ “ဟု Travelling သို့ ပြောသည်။

လက်ရှိတွင် ဟိုတယ်ဘက်မှတာဝန်ရှိသူနှင့် တည်းခိုသည့်ခရီးသွားဧည့်သည်အကြား အဆင်ပြေအောင် တာဝန်ယူဆောင်ရွက်ပေးခဲ့ပြီးဖြစ်ကြောင်း ယင်းဟိုတယ်က တာဝန် ရှိသူက Travelling သို့ ပြောသည်။

” ဟိုတယ်အခန်းအပြင်ဘက်မှာထားပေးတဲ့ ရေချိုး Shower ကနေ ဖြစ်တာဆိုတော့ တကယ့်ကို မကြားဖူးခဲ့တာပါ။ သူများတကာတွေကြားရင်လည်း အံ့ဩစရာဖြစ်ရပ်ပါ။ အခုတော့ ဟိုတယ်ရဲ့တာဝန်ရှိသူတွေက ညှိနှိုင်းပြီးပါပြီ “ဟု ချောင်း သာဟိုတယ်တာဝန်ခံက Travelling သို့ ပြောသည်။

လက်ရှိကာလတွင် ရာသီဥတု အပူရှိန်မြင့်မားနေသည့်ကာလဖြစ်သောကြောင့် သတိပြုဆင်ခြင်နေထိုင်ရမည်ဖြစ်ပြီး ယင်းကဲ့သို့ ဖြစ်စဥ်က ထူးခြားသလို ခရီးသွားဧည့်သည်များအနေဖြင့်လည်း ယခုဖြစ်စဥ်ကနေ သတိပြု ဆင်ခြင်သင့်ကြောင်း ဟိုတယ်လုပ်ငန်းရှင်တစ်ဦးက ပြောကြားသည်။

မြန်မာနိုင်ငံတွင် ပြည်တွင်းပြည်ပခရီးသွားပြည်သူအများဆုံး လာရောက် အပန်းဖြေလည်ပတ်ကြသည့်ကမ်းခြေ ဖြစ်ပြီး ချောင်းသာကမ်းခြေတွင်ဟိုတယ် ၃၉ လုံးနှင့် တည်ခိုခန်း ၅၉ လုံးရှိကြောင်းသိရသည်။