#TravellingJournal
အစိမ်းရောင်ကမ်းခြေ (Green Ngwe Saung)ဟု တင်စားခံထားရသည့် ငွေဆောင်ကမ်းခြေရှိ At The Sea ဟိုတယ်မှ နံနက်စာနှင့်ညစာအပါ တစ်ဦးလျှင် ကျပ် (၅၆၀၀၀) ထိ အခန်းခနှုန်းထားများကို မေလတစ်လလုံး လျှော့ချထားကြောင်း ယင်းဟိုတယ်ပိုင်ရှင်က Travelling သို့ပြောသည်။
” ဒီမေလ ကုန်ထိလျော့ချပေးသွားမှာပါ။ မုတ်သုန်ရာသီ ခရီးသွားကာလမှာ ငွေဆောင်ကမ်းခြေကို လာရောက်အပန်းဖြေနိုင်စေဖို့ အခုလိုမျိုးနဲ့လျှော့ချပေးထားပါတယ်” ဟု At The Sea ဟိုတယ်ပိုင်ရှင်က Travelling သို့ ပြောသည်။
ယခင်က နှစ်ယောက်အိပ်ခန်းပါဝင်သည့် Sea view Bungalow လုံးချင်း တစ်ညလျှင် ကျပ်နှစ်သိန်းကို လက်ရှိတွင် တစ်သိန်းခြောက်သောင်းဖြင့် လည်ကောင်း၊ Second Sea View Bungalow နှစ်ယောက်အိပ်ခန်းကို ကျပ် တစ်သိန်းရှစ်သောင်း မှ လက်ရှိတွင် ကျပ် တစ်သိန်းလေးသောင်း ဖြင့် လည်ကောင်း၊ Garden View ဘန်ဂလို နှစ်ယောက်အိပ်ခန်းကို ကျပ် တစ်သိန်းငါးသောင်း မှ ကျပ် တစ်သိန်းနှစ်သောင်း ဖြင့် လည်ကောင်း၊ Garden View နှစ်ယောက်အိပ်ခန်းကို ကျပ် တစ်သိန်းလေးသောင်း မှ ကျပ် တစ်သိန်းတစ်သောင်းနှစ်ထောင်ဖြင့်လည်ကောင်း အခန်းခနှုန်းများကို နှစ်ဆယ်ရာခိုင်နှုန်း ထိ လျှော့ချ ပေးထားကြောင်း သိရသည်။
အဆိုပါ ဟိုတယ်သည် ငွေဆောင် -ဆင်မ လမ်းမပေါ်၊ကမ်းခြေ၏ ဟိုတယ်ဇုန်အပိုင်း(၂ )တွင် တည်ရှိပြီးအိပ်ခန်းပေါင်း (၄၆) ခန်း ရှိကာ တသီးတသန့် နှင့် အေးအေးလူလူ အပန်းဖြေချင်သည့် သူများအတွက် အကြိုက်တွေ့စေမည်ဖြစ်ကြောင်း သိရသည်။
ထို့ပြင် ငွေဆောင်ကမ်းခြေကို ပုသိမ်မြို့မှ လာရောက်မည်ဆိုပါက (၂၉)မိုင် (၄)ဖာလုံခန့်သာ ကွာ ဝေး ပြီး ကမ်းခြေနှင့် ဆက်စပ်ပြီး ၁၉မိုင်ဆင်စခန်း၊ မြွေကျွန်း၊ လိပ်ကျွန်း၊ ငှက်ကျွန်း၊ကျွန်းလျားရှည်၊ချစ်သူများကျွန်းနှင့် မိုးမခဆင်စခန်းတို့ကိုလည်း လာရောက်လည်ပတ်နိုင်ကြောင်း သိရသည်။
ငွေဆောင်ကမ်းခြေသည် အစိမ်းရောင်ကမ်းခြေ (Green Ngwe Saung) ဟု တင်စားသလို ပြည်တွင်းခရီးသွား များထက် နိုင်ငံခြားသားဧည့်သည်များ အများဆုံး လာရောက်လည်ပတ်ကြသည့် ကမ်းခြေဖြစ်ကာ လက်ရှိတွင် ငွေဆောင်ကမ်းခြေ ၌ ဟိုတယ်အလုံး (၃၀) ကျော်ရှိကြောင်း သိရသည်။
#TravellingJournal
#News
#Beach Ngwesaung
