New trekking tour site around the Kyauk Phyar waterfall which is located near the Phugyi reservoir, Tike Gyi township, Yangon, is being explored, said U Min Maung Soe from the Ministry of Directorate of Hotels and Tourism for Yangon to Travelling journal. Kyauk waterfall is not very far from Yangon and local visitors are visiting there.
Sagar lake in Southern Shan State that most local guests come visit to will be made to become the second Inle Lake, said U Htin Aung Naing, the director of the Directorate of Hotels and Tourism for Shan State.
Sagar lake is pleasant and many pagodas are situated there, so that visitors can visit there as a tour site and study the lives of people in the surrounding villages.
ယခင်က နိုင်ငံခြားသားလည်ပတ် ခွင့်ပိတ်ပင်ထားသည့် မချမ်းဘော့မြို့နယ် အတွင်းရှိ နေရာတချို့အား လုံ/တည် အစည်းအဝေးဆုံးဖြတ်ချက်အရသွားရောက်လည်ပတ်နိုင်ပြီဖြစ်ကြောင်း ကချင် ပြည်နယ် ဟိုတယ်/ ခရီးတာ၀န်ခံ ဦးခိုင်၀င်း က ပြောသည်။
မချမ်းဘော့မြို့နယ်အတွင်းရှိ နတ်ကျွန်း၊ ကျောက်နဂါး၊ ဂူဘား၊ နမ့်ခမ်းရေ တံခွန် စသည့်နေရာများကို ပြည်ပဧည့်သည် များ လည်ပတ်ခွင့်ပြုထားပြီဖြစ်သည်။
လုံ/တည်အစည်းဝေးမှာတော့ ယခင်က ကန့်သတ်ထားတားတဲ့ အဲဒီ နေရာတွေကို ပယ်ဖျက်ပေးထားတယ်။ ဒါပေမဲ့ လုံခြုံရေးအရ ကာကွယ်ရေးနဲ့ ပြည်ထဲရေးက ကန့်သတ်ခဲ့တာ။ သူတို့က တော့ စာထုတ်ပြန်တာမျိုးမရှိသေးဘူး။ လုံ/တည်အစည်းဝေး ဆုံးဖြတ်ချက်နဲ့ ကချင်ပြည်နယ်အစိုးရအဖွဲ့ဆီကိုတော့ စာရောက်ပြီ။ ကျွန်တော်တို့ကို အစည်းဝေးဆုံး ဖြတ်ချက်အရ အသိပေးထားတာတော့ရှိ ပါတယ်။ ပြည်ထဲရေးနဲ့ ကာကွယ်ရေးက နေ တရား၀င်စာထွက်လာမှသာ လုပ်ငန်း ရှင်တွေကို ချပြလို့ရမှာ။ လောလောဆယ် တရား၀င်ချမပြသေးဘူး။ လုံတည်အစည်း ဝေးဆုံးဖြတ်ချက်နဲ့ သွားလို့ရတယ်ဆိုတာ လောက်ပဲ မက်ဆေ့ခ်ျပေးထားတယ် ညဟု ကချင်ပြည်နယ်ဟိုတယ်/ ခရီးတာ၀န်ခံ ဦးခိုင်၀င်းက ပြောသည်။
မချမ်းဘော့မြို့နယ်အတွင်း လည် ပတ်လိုသည့် ပြည်ပခရီးသွား များအတွက် သက်ဆိုင်ရာခရီးသွားကုမ်္ပဏီများမှ ကချင် ပြည်နယ် ဒေသ ဆိုင်ရာခရီးသွားလုပ်ငန်း ကော်မတီဥက်္ကဋ္ဌသို့တင်ပြပြီး သွားရောက် လည် ပတ်နိုင်ကြောင်း သိရသည်။
လက်ရှိတွင် မြစ်ကြီးနားအခြေစိုက် ကုမ်္ပဏီများမှရေခဲတောင်ခရီးစဉ်များ ကို ပြည်တွင်းခရီးသွားများကို ပို့ဆောင်ပေးနေ ပြီဖြစ်ပြီး ပြည်ပခရီး. သွားများအနေဖြင့် ပူတာအိုမြို့နယ်ရှိ ကျေးရွာ ၇ ရွာသို့ သွား ရောက် လည်ပတ်ခွင့်ကို ကန့်သတ်ထားသည်။
ပြည်တွင်းဧည့်သည်များသွားရောက် လည်ပတ်မှုများသည့် ရှမ်းပြည်နယ် တောင်ပိုင်းရှိ စကားအင်းကို ဒုတိယအင်းလေးကဲ့သို့ဖြစ်အောင် ဆောင်ရွက် သွားမည်ဖြစ်ကြောင်း ရှမ်းပြည်နယ်ဟိုတယ်နှင့် ခရီးသွား ညွန်ကြားမှုဦးစီးဌာနမှ ညွှန်ကြားရေး မှူး ဦးထင်အောင်နိုင်က Travelling ဂျာနယ်သို့ ပြောသည်။
ဘုရားအများစုတည်ရှိနေသည့် စကားအင်းသည် သာယာလှပပြီး ခရီးသွားများ ပိုမိုလည်ပတ်နိုင်ရန် ခရီးစဉ်တစ်ခုအနေ ဖြင့် စီစဉ်နေခြင်းဖြစ်ကြောင်း သိရသည်။
ရှမ်းပြည်နယ်အတွင်းရှိ ခရီးသွား လုပ်ငန်းများ မြှင့်တင်နိုင်ရန်အတွက် ယခု ကဲ့သို့ ရှမ်းဟိုတယ်/ခရီး ဦးစီးဌာနအနေ ဖြင့် ဆောင်ရွက်လျက််ရှိနေပြီး ထင်ရှား သည့်နေရာများ၊ ပြည်တွင်းပြည်ပစိတ်ဝင် စားစွာ သွားရောက်လည်ပတ်နိုင်မည့်ခရီးစဉ်များကိုဖော်ထုတ်သွားမည်ဖြစ်ကြောင်း သိရသည်။
“လက်ရှိမှာ စကားအင်းနဲ့ ရှေ့မြင် နောက်မြင်တောင်ကို ကွင်းဆင်းနေပါ တယ်။ စကားအင်းပတ်လည်မှာရှိတဲ့ ကျေးရွာတွေက လက်မှုလုပ်ငန်းလုပ်ကိုင်ကြတဲ့ ရွာတွေများပါတယ်။ ဒီဘက်ကို ခရီးစဉ် တစ်ခုဖြစ် အောင်ဆောင်ရွက်သွားမှာပါ” ဟု ဦးထင်အောင်နိုင်က ပြောသည်။
၂၀၁၇ ခုနှစ်က အင်းလေးကန် အတွင်း ဧည့်သည်ဝင်ရောက်မှုမှာ သုံးသိန်း ကျော်လာရောက် လည်ပတ်ခဲ့သည့်အတွက် ဧည့်သည်ကျပ်သွားသည့် ဖြစ်စဉ်များရှိခဲ့ သည်။
စကားအင်းသည် အင်းလေးကန် ပုံစံမျိုးရှိသည့်အတွက် ဒုတိယ အင်းလေးကဲ့သို့ သွားရောက် လည်ပတ်နိုင်ရန် ဆောင်ရွက်ရခြင်း ဖြစ်ပြီး ခရီးစဉ်အသစ်အနေဖြင့် ဖော်ထုတ် ရခြင်းဖြစ်ကြောင်း သိရသည်။
ရန်ကုန်တိုင်းဒေသကြီး၊ တိုက်ကြီး မြို့နယ်၊ ဖူးကြီးရေလှောင်တမံအနီး ကျောက်ဖြာရေတံခွန်အနီးတဝိုက် ခြေလျှင် ခရီးကြမ်းသွားရောက်နိုင် မည့် ခရီးစဉ်လမ်းကြောင်းသစ်ကို ဖော်ဆောင်နေပြီ ဖြစ်ကြောင်း ရန်ကုန်တိုင်းဒေသကြီးဟိုတယ် နှင့် ခရီးသွားလာရေးညွှန်ကြားမှု ဦးစီးဌာန မှ ဦးမင်းမောင်စိုးက Travelling ဂျာနယ်သို့ ပြောသည်။
ယင်းကဲ့သို့ ခြေလျှင်ခရီးကြမ်း ဖော် ဆောင်နိုင်ရန်အတွက် ကွင်းဆင်း လေ့လာ မှုကို အောက်တိုဘာလ၊ တတိယ ပတ်က သွား ရောက်ကွင်း ဆင်းခဲ့ပြီးဖြစ်ကြောင်း သိရ သည်။
ယင်းခရီးစဉ်သည် ရန်ကုန်တိုင်း၏ ပထမဆုံးသော Trekking ခရီးစဉ်ဖြစ်ပြီး ကျောက်ဖြာရေတံခွန်ဆီသို့ သွားရောက် သည့် လမ်းကြောင်းသစ်ကို ရှာဖွေခဲ့ခြင်း ဟု ဦးမင်းမောင်စိုးက ပြောသည်။
ကျွန်တော်တို့ သွားရောက်လေ့လာ ခဲ့တယ်။ ကျောက်ဖြာက ရန်ကုန်နဲ့ အရမ်း ကြီးမဝေးပါဘူး။ အခု အဲဒီရေတံခွန်ဘက် ကို ပြည်တွင်း ခရီးသွားတွေ သွားရောက် နေကြပြီဖြစ်တယ်။ ပြည်တွင်းတွေရောက် နေပြီ။ သွားတုန်းက လမ်းသိပ်မသိလို့ နည်းနည်းရှာလိုက်ရသေးတယ်။ အဲဒီမှာ ကျောက်ဖြာရေတံခွန်နဲ့ အနီးတဝိုက်နား မှာ ကျွဲကျရေတံခွန်ရှိ တယ်။ အဲဒီရေတံခွန် က ကျွဲတောင်ပြုတ်ကျတယ်ဆိုလို့ ကျွဲကျ ရေတံခွန်လို့တောင် ဒေသခံတွေကနာမည် ပေးထားတယ်လို့ ပြော တယ်။ အဲဒီဘက်ကို ထပ်ပြီး ကွင်းဆင်းလေ့လာသွားဦးမယ်ဟု ကွင်းဆင်းလေ့လာခဲ့သူ ဦးမင်းမောင်စိုးက ပြောသည်။
ရန်ကုန်တိုင်းဟိုတယ်ခရီးအနေဖြင့် တိုင်းဒေသကြီးအတွင်း ခရီးစဉ် အသစ်များ ရှိစေရန်အတွက် လက်ခုပ်ကုန်း ကမ်းခြေရှိ ဆယ်အိမ်တန်း ကမ်းခြေကိုလည်း ခရီးသွား လုပ်ငန်းဖွံ့ဖြိုးတိုးတက်စေရန် ကွင်းဆင်း မှုများကို လည်း ပြုလုပ်ခဲ့ပြီးဖြစ်ကြောင်း သိရသည်။
