July 2019 - Travelling Myanmar

မြန်မာ့ခရီးသွားဘဏ်မှ Travel Loan ဖြင့် ပြည်တွင်းပြည်ပ ခရီးစဉ်များကို လွယ်ကူစွာ သွားလာနိုင်တော့မည်

Posted on July 24, 2019July 20, 2022 by Admin

လရောင်ချို

မြန်မာခရီးသွားဘဏ်မှ ဝန်ဆောင်မှု အသစ်ဖြစ်သည့် Travel loan နှင့် ပြည်တွင်း ပြည်ပရှိ ခရီးစဉ်များကို မိမိစိတ်ကြိုက် သွားရောက်နိုင်ရန်ဆောင်ရွက်ပေးနေပြီဖြစ်ကြောင်း Deputy Managing Director ဖြစ်သူ U Andrew Khant (ခ) ဦးအောင်ခန့် က ပြောသည်။

အဆိုပါ Travel loan ဖြင့် သွားရောက်လိုသည့် သူများအနေဖြင့် ခရီးသွား ကုမ္ပဏီနှင့် ချိတ်ဆက်ပြီး မိမိ စိတ်ကြိုက် ခရီးစဉ်များကို သွားရောက်နိုင်မည်ဖြစ်ကြောင်း သိရသည်။

ယခုကဲ့သို့ မြန်မာ့ခရီးသွားဘဏ်မှ Travel loan ကို ဖော်ဆောင်ပေးခြင်းမှာလည်း မြန်မာနိုင်ငံအတွင်း ခရီးသွားသူများ ပိုမိုများပြားလာစေရန်နှင့် ယခင်က ခရီးသွားရာတွင် ငွေကြေးအခက်အခဲကြောင့် ခရီးမသွားလာနိုင်သည့် သူများအတွက် Travel loan ဖြင့် သွားရောက်နိုင်စေရန် အတွက် ဘဏ်အနေဖြင့် စတင်ဖော်ဆောင်ပေးခြင်းဖြစ်ကြောင်းသိရသည်။

မြန်မာနိုင်ငံအတွင်း ခရီးသွားလာရေးကဏ္ဍအဆင့်မြှင့်တင် နိုင်စေရန်အတွက် မြန်မာ့ခရီးသွားဘဏ်အနေဖြင့် လိုအပ်ချက်များကို အဘက်ဘက်မှ ဖြည့်ဆည်းဆောင်ရွက်ပေး နိုင်ရန် ကြိုးစားဆောင်ရွက်နေကြောင်း သိရှိရပါသည်။

လက်ရှိအချိန်တွင် Travel loan နှင့်ပတ်သက်၍ မြန်မာနိုင်ငံရှိ Tours agents များဖြင့် ချိတ်ဆက်ပြီး ဆောင်ရွက်လျက် ရှိနေပြီး အဆိုပါ ချိတ်ဆက်ထားသည့် Tours agents များအနေဖြင့် ခရီးသွားလာမည့်Customerများ ကို ပိုမိုရရှိနိုင်ကာ မိမိတို့ခရီးသွားလုပ်ငန်းကို လည်း ပိုမိုချဲ့ထွင်နိုင်စေရန်အတွက် အထောက်အကူကောင်းတစ်ခုဖြစ်ကြောင်း ဦးအောင်ခန့်က ဆိုသည်။

ထို့ပြင် ခရီးသွားများအနေဖြင့်လည်း Travel loan လျောက်ထားပြီး ခရီးစဉ်၏ ကုန်ကျငွေကို အရစ်ကျအနေဖြင့် ပြန်လည်ပေးသွင်းနိုင်သည့်အတွက် အခက်အခဲမရှိပဲ လွယ်ကူစွာ ခရီးသွားလာနိုင်တော့မည် ဖြစ်သည်။ အဆိုပါ Travel loan ကို လျောက်ထားလိုသူသည် ပုံမှန်ဝင်ငွေရှိရမည်ဖြစ်သလို ထောက်ခံပေးမည့်သူ လိုအပ်မည်ဖြစ်ကာ ကနဦး အနေဖြင့် Travel loan ကို အနည်းဆုံးခြောက်လဖြင့် အရစ်ကျ ပေးသွင်း ဆောင်ရွက်နိုင်ကြောင်း သိရသည်။

” လောလောဆယ်မှာ ကျွန်တော်တို့ဘဏ်ကတော့ အရစ်ကျ ကို ခြောက်လပဲ ကနဦး ပေးထားတယ် ဒါပေမယ့် ဒေါ်လာထောင်ကျော်တဲ့ ခရီးစဉ်တွေ ဖြစ်နေတယ်ဆိုရင် Customer ရဲ့ ပေးနိုင်တဲ့အပေါ်မှာ မူတည်ပြီး ပေးသွင်းချင်တဲ့ လအရေအတွက်ကို ရွေးချယ်နိုင်တယ်။ အရင်ကဆို ခရီးသွားဖို့အတွက် စိုးရိမ်ပူပန်နေရပါတယ်။ အခုကျတော့ ဒါတွေကို ပူပန်နေစရာမလိုတော့ဘူး။ ကိုယ်စိတ်ကူးထဲက စိတ်ကြိုက်ခရီးစဉ်တွေကို ခုချက်ချင်းထသွားလို့ရနိုင်တဲ့အနေအထားတွေ ဖြစ်လာအောင် ကျွန်တော်တို့ဘဏ်ကနေ ဝန်ဆောင်မှုပေးတာဖြစ်ပါတယ် ” ဟု ဦးအောင်ခန့် က ဆိုသည်။

ထို့အပြင် လက်ရှိတွင် မြန်မာ့ခရီးသွားဘဏ်နှင့်မြန်မာခရီးသွားလုပ်ငန်းရှင်အသင်းတို့ပူးပေါင်းပြီး Tours and Hospitality လုပ်ငန်းများ ပိုမိုဖွံ့ဖြိုးတိုးတက်စေရန်အတွက် Tourism Term Loan, Tourism Overdraft, Tourism Project Loan အစရှိသည့် ဝန်ဆောင်မှုများကိုပါ ဆောင်ရွက်နိုင်ရန်အတွက် မကြာခင်တွင် နားလည်မှု စာချွန်လွှာ လက်မှတ်ရေးထိုးမည်ဖြစ်ကြောင်း
သိရသည်။

Travelling_Journal/Vol_1_Issue_14

ပသိချောင်းအပန်းဖြေသဘာ၀ဥယျာဉ်စီမံကိန်း ကို ဇေကမ္ဘာ ကုမ္ပဏီ ဖော်ဆောင်နေ

Posted on July 23, 2019July 20, 2022 by Admin

မော်ကျွန်းသူ

ကရင်ပြည်နယ် သံတောင်မြို့ ရှိ ပသိချောင်းကို ထိန်းသိမ်းစောင့်ရှောက်ပြီး သဘာ၀အခြေခံ အပန်းဖြေ စခန်းများသို့ သွားရောက်အနားယူနိုင်မည့် စီမံကိန်းကို ဇေကမ္ဘာကုမ္ပဏီမှ အကောင်အထည် ဖော်ဆောင် သွားမည်ဖြစ်ကြောင်းသိရသည်။

ပသိချောင်းကို အခြေခံပြီး မြေဧက ၁၀၀ ပေါ်တွင် ပသိချောင်း အပန်းဖြေသဘာ၀ဥယျာဉ်စီမံကိန်း ကို ဇေကမ္ဘာကုမ္ပဏီမှ ဖော်ဆောင်သွားမည်ဖြစ်သည်။

လက်ရှိတွင် အမည်ပေါက် ၀ယ်ယူထားပြီးဖြစ်သည့် မြေဧက ၁၀၀ အတွင်း မြေပြင်ဆောင်ရွက်မှုများ ကို စတင်ဆောင်ရွက်နေသလို ကားလမ်းများလည်း ဖောက်လုပ်နေကြောင်း သိရသည်။

ထို့အပြင် အပန်းဖြေဥယျာဉ်ဖော်ဆောင်မည့် ဥယျာဉ် အတွင်း ဒေသမျိုးရင်း နှစ်ရှည်ပင်များဖြစ်သည့် ဒူးရင်း၊ ကြက်မောက်သီး၊ မင်းကွတ်သီး နှင့်လိုင်ချီးသီးပင်များကို အကွက်များဖြင့် စိုက်ပျိုးနေပြီဖြစ်ကြောင်း သိရသည်။

’’ ပသိချောင်းက ရာသီမရွေး ရေစီးဆင်းနေတာမို့ ချောင်းနဲ့ သဘာ၀အလှအပများကြောင့် ဧည့်သည်တွေ လာရောက်အပန်းဖြေနေကြတယ်’’ဟု ပသိချောင်းအပန်းဖြေ စီမံကိန်းကို တာ၀န်ယူ ဆောင်ရွက်နေသည့် မနွယ်က ပြောသည်။

ယခုလက်ရှိအနေအထားမှာ ပသိချောင်းအတွင်း လာရောက်ရေကစားသူများအတွက် နားနေဆောင် သုံးလုံးဆောက်လုပ်ပေးထားပြီး ၀င်ကြေးအနေဖြင့် ပသိချောင်းအပန်းဖြေ သဘာ၀ဥယျာဉ်အတွင်းသို့ လာရောက်သည့် ကားကြီး ၊ကားသေးတစ်စီးကို ၁၀၀၀ ကျပ် ကောက်ခံလျက်ရှိကာ လူကြီးတစ်ဦးလျှင် ၁၀၀ ကျပ် သာ ကောက်ခံကြောင်း သိရသည်။

အဆိုပါ အပန်းဖြေသဘာ၀ဥယျာဉ်အတွင်း လာရောက်လည်ပတ်ကြမည့် နိုင်ငံခြားသားများ အတွက် ဇီ၀ဆိုင်ရာအပင်များလေ့လာခြင်း ၊ သုတေသနပြုခြင်း၊လမ်းလျှောက်ခြင်း၊ မြင်းစီးခြင်းစသည့် Activity များကို ဖန်တီးပေးသွားမည်ဖြစ်ကြောင်းသိရသည်။

ထို့အပြင် အပန်းဖြေလာရောက်ကြမည့် ဧည့်သည်များအတွက် ဒေသထွက်ကုန်အမှတ်တရအရောင်းဆိုင်များ၊ စားသောက်ဆိုင်များ၊ နားနေဆောင်များလည်း ထည့်သွင်းသွားမည်ဖြစ်ကြောင်းသိရသည်။

ယင်းကဲ့သို့ဆောင်ရွက်ရခြင်းမှာလည်း ပသိချောင်းပတ်၀န်းကျင်ဒေသ၏ သဘာဝဂေဟစနစ်မပျက်စီး မပျောက်ကွယ်စေရန်နှင့် ထိန်းသိမ်းထားခြင်းနှင့် သဘာဝတောတောင် စိမ်းလန်း စိုပြေသာယာလှပ မှုကို မှီခို၍ ဇီ၀မျိုးစိတ် များဖြစ်သည့် သက်ရှိသက်မဲ့ သတ္တဝါနှင့် အပင်များ၏ သာယာလှပမှုကိုလည်း ပြည်သူများ အတွက် ကြည်နူးပျော်ရွင်စေမည့် အကျိုးကျေးဇူးများရရှိစေရန် ရည်ရွယ်၍ဖော်ဆောင်ခြင်း ဖြစ်ကြောင်းသိရသည်။

Travelling_Journal/Vol_1_Issue_14

Photo_ဇေကမ္ဘာ

Let’s take a visit to the Golden Beach hotel in Chaungtha

Posted on July 2, 2019July 20, 2022 by Admin

Translated By : Kyaw Kyaw Linn

Written By : HninSi ThaKhin

Chaungtha can be said a meeting
point local guests frequently come visit to. Being a beach nearest to Yangon and one where fresh sea foods are available, it occupies guests all round the year. Travelers to the beach can choose various hotels to stay in.

Among them, ‘Golden Beach’ hotel is recommended. Built on two acres land and aged nearly two decades, the hotel provides 102 rooms — 12 sea view bungalows, 3 second sea view bungalows, 4 four-bedroom bungalows, 1 six-bedroom bungalow, 2 two-story buildings and 1 three-story building. Room prices are ; MMK 110000 for sea view rooms, MMK 99000 for second sea view room and MMK 77000 for garden view room. But during the wet season, the prices are 88000, 77000 and 55000 respectively.

Landscape is mainly emphasized. Parking lots are managed for guests can park their car near the room they’re staying.

The hotel provides gym, swimming pool, recreation park, mini golf course, billiard table, bar, restaurant, and 24-hour spa. Besides breakfast, it serves tea time and buffet dinner as best service among other hotels. It is about four years that this service has been in providence and it gets good feedbacks from guests.

As guests to the beach are different — some long for relaxation at seaside enjoying seafoods while some would like just staying in hotel, the hotel is always trying to offer best services to its guests. Providing a variety of sorts of services just in the hotel is an advantage of it. The restaurant comes with Indian, Chinese and Myanmar foods, and room service is also available. Member cards offering 10% discount are given to the frequent stayers as gifts.

So the ‘Golden Beach’ hotel is guided from this month hotel guide to those who wish to take a relaxation in Chaungtha.