Travelling journal

နာမည်ကျော် ကမ်းခြေတစ်ခုဖြစ်သည့် ငပလီကမ်းခြေ အခြေစိုက် ဖွင့်လှစ်ထားသည့် ဟိုတယ်အများစုမှာ ခရစ္စမတ် ကာလနှင့် Happy New year ကာလများအတွက် ကြိုတင် Booking များဖြင့် ပြည့်နေပြီ ဖြစ်ကြောင်း သိရှိရသည်။

ပြီးခဲ့သည့် နိုဝင်ဘာ လ အတွင်း ငပလီ ကမ်းခြေ သို့ ပြည်တွင်းဧည့်သည် (၈၇၈၃)ဦးနှင့် မြန်မာနိုင်ငံတွင်
အခြေစိုက် နေထိုင်ကြသည့် နိုင်ငံခြားသား ဧည့်သည် (၁၂၆)ဦး လာရောက်လည်ပတ်ခဲ့ကြောင်း ဟိုတယ်နှင့် ခရီးသွား ညွန်ကြားမှု ဦးစီးဌာန (သံတွဲ)မှ တာဝန်ရှိသူတစ်ဦးက Travelling journal သို့ ပြောသည်။

” ကျွန်တော် တို့ဆီမှာ ဆောင်းဦးပွဲတော် ဖွင့်လိုက်တော့ သွားလို့ရတယ်ဆိုတာ သိသွားကြတယ်။ ဒီမှာက လောလောဆယ်တော့ အေးချမ်းမှု လုံခြုံမှု ရှိနေတဲ့အနေအထားရှိနေတယ်။ အဲဒါကလည်း အားသာချက် ပေါ့။ အဲဒါကြောင့်မို့ Booking တွေ တော် တော်လေး ရှိတယ်ဆိုတာ သိထားပါတယ် “ဟု ရခိုင်ပြည်နယ် ဟိုတယ်ခရီး တာဝန်ခံ က Travelling journal သို့ ပြောသည်။

လက်ရှိတွင် သံတွဲ မြို့ပေါ်ရှိ ဟိုတယ် နှင့် တည်းခိုရိပ်သာ အလုံး (၄၀) သာ ဖွင့်လှစ်ထားရှိပြီး ထပ်မံ၍ COVID -19 စည်းကမ်းချက်များနှင့်အတူ ဟိုတယ်များကို စစ်ဆေးပြီး ထပ်မံ တိုးမြှင့် ဖွင့်လှစ်နိုင်အောင် စီစဥ်နေကြောင်း
သိရသည်။