ဟောင်ကောင်ကမ္ဘာလှည့် ဆိုက်ရောက်ဗီဇာ ဒုတိယ အကြိမ် သက်တမ်းတိုးမြှင့်

#Travelling Journal ဟောင်ကောင်အထူးအုပ်ချုပ်ရေးဒေသ နိုင်ငံကူးလက်မှတ်ကိုင်ဆောင်ထားသောသူများအတွက်ဆိုက်ရောက်ဗီဇာ (ကမ္ဘာလှည့်) အား ၁၁. ၃.၂၀၂၅ မှ ၁၀.၃.၂၀၂၆ ရက်နေ့အထိ သက်တမ်းတစ်နှစ် ထပ်မံတိုးမြှင့်ပေ ...

တင်ဆက်သူ - Admin / 15-05-2025

#Travelling Journal

ဟောင်ကောင်အထူးအုပ်ချုပ်ရေးဒေသ နိုင်ငံကူးလက်မှတ်ကိုင်ဆောင်ထားသောသူများအတွက်ဆိုက်ရောက်ဗီဇာ (ကမ္ဘာလှည့်) အား ၁၁. ၃.၂၀၂၅ မှ ၁၀.၃.၂၀၂၆ ရက်နေ့အထိ သက်တမ်းတစ်နှစ် ထပ်မံတိုးမြှင့်ပေးလိုက်ကြောင်း ဟိုတယ်နှင့်ခရီးသွားလာရေးဝန်ကြီးဌာန မှ တာဝန်ရှိသူတစ်ဦးက Travelling သို့ပြောသည်။

“ဟောင်ကောင်ကတော့ သက်တမ်းတစ်နှစ် ပြည့်လို့ ထပ်ပြီး ဒုတိယအကြိမ် သက်တမ်း တစ်နှစ် ထပ်တိုးတာပါ။ ရုရှားကတော့ နှစ် မပြည့်သေးပါဘူး။ ပြီးခဲ့တဲ့၂၀၂၄ ခုနှစ်ဇန်နဝါရီလကနေ ၂၀၂၄ ဒီဇင်ဘာလအထိ ဟောင်ကောင် အထူးအုပ်ချုပ်ရေးဒေသ နိုင်ငံ ကူးလက်မှတ် ကိုင်ဆောင်ထားတဲ့ ဧည့်သည်( ၁၇၆၆) ဦး လာရောက်ခဲ့ပါတယ်” လို့ ဟိုတယ်နှင့် ခရီးသွားလာရေးဝန်ကြီးဌာန မှ တာဝန်ရှိသူတစ်ဦးက Travelling သို့ ပြောသည်။

လက်ရှိတွင် မြန်မာနိုင်ငံသို့ ပြည်ပခရီးသွားများ ပိုမိုလာရောက်လည်ပတ်လာစေရန် ဂျပန်နိုင်ငံ၊ ကိုရီးယား သမ္မတနိုင်ငံ၊ တရုတ်ပြည်သူ့သမ္မတနိုင်ငံ၏ မကာအိုအထူးအုပ်ချုပ်ရေးဒေသမှ နိုင်ငံကူးလက်မှတ်ကိုင်ဆောင်သူ ကမ္ဘာလှည့်ခရီးသည်များအတွက် ဆိုက်ရောက်ဗီဇာ(ကမ္ဘာလှည့်) Tourist Visa On Arrival ကို ၂၀၂၄ ခုနှစ် အောက်တိုဘာ ၂၁ ရက် နေ့မှစတင်၍ စမ်းသပ်ကာလကို (၁)နှစ် ခွင့်ပြုပေးထားကြောင်းလည်းသိရသည်။