#TravellingJournal
လာမည့် ၂၀၂၅ ခုနှစ်တွင် ခရီးသွားလုပ်ငန်းမြှင့်တင်ရန်အတွက် မြန်မာနိုင်ငံခရီးသွားလုပ်ငန်းအဖွဲ့ချုပ်နှင့် ညီနောင်အသင်းများ စုပေါင်းပြီး နိုင်ငံတော်အဆင့်ခရီးသွားပြပွဲကျင်းပရန် စီစဥ် နေကြောင်း မြန်မာနိုင်ငံခရီးသွားလုပ်ငန်းအဖွဲ့ချုပ်(MTF) ဥက္ကဋ္ဌဦးရန်ဝင်း က Travelling သို့ ပြောသည် ။
” ခရီးသွားလုပ်ငန်းကို Promote လုပ်တဲ့သဘောပေါ့။ အခုညီနောင်အသင်းတွေနဲ့စုပေါင်းပြီး လုပ်မှာဖြစ်ပါတယ်။ ကျင်းပမဲ့လ ကတော့ မသတ်မှတ်ရသေးပါဘူး။ စီစဥ်နေဆဲပါ ” ဟု မြန်မာနိုင်ငံခရီးသွားလုပ်ငန်းအဖွဲ့ချုပ် ဥက္ကဋ္ဌ ဦးရန်ဝင်း က Travelling သို့ ပြောသည်။
ပုဂ္ဂလိကကဏ္ဍအနေဖြင့် ခရီးသွားပြပွဲကို ကျင်းပနိုင်ရန်အတွက် နိုဝင်ဘာ (၁၂) ရက်က အထူးအစည်းအဝေး ကျင်းပခဲ့ကြောင်းသိရသည်။
ထို့ပြင် မြန်မာနိုင်ငံခရီးသွားလုပ်ငန်းရှင်များအသင်း( UMTA)မှလည်း (၂၀၂၅) ခုနှစ်တွင်
ခရီးသွားပြပွဲများကို ကျင်းပသွားရန်စီစဥ်ထားကြောင်း အဆိုပါအသင်း၏ အထွေထွေ အတွင်းရေးမှူး ဒေါ်မေသက်လွင်က Travelling သို့ပြောသည်။
“MTF နဲ့ ပူးပေါင်းပြီး ခရီးသွားပြပွဲကတော့ ကျင်းပသွားမှာပါ။ လ ကတော့ မသတ်မှတ်ရသေးဘူး။ အစ်မတို့ UMTA အနေနဲ့ သီးသန့်ကျင်းပမဲ့ ပြပွဲကိုတော့ ဇွန်လထဲ ကျင်းပမှာ ဖြစ်ပါတယ် “ဟု ဒေါ်မေသက်လွင်က Travelling သို့ ပြောသည်။
လာမည့် ၂၀၂၅ ခုနှစ် တွင် ပြည်ပခရီးသွားများ လာရောက် လည်ပတ်နိုင်ရန်အတွက် Tourism နယ်ပယ်အသီးသီးမှ ခရီးသွားကုမ္ပဏီများမှလည်း အပြိုင်အဆိုင် ခရီးသွားစျေးကွက်များကို ချဲ့ထွင်နေကြောင်း ခရီးသွားကုမ္ပဏီများထံမှ သိရသည်။
Photo-Internet
ပုံ-စာ မြန်မာ့ခရီးသွားပြပွဲ (၂၀၂၃) ကို ရန်ကုန််မြို့ရှိ ဝန်ကြီးများရုံး၌ ကျင်းပပြုလုပ်ခဲ့သည့် မြင်ကွင်းကို တွေ့ရစဥ်။
Related News
လက်ခုပ်ကုန်းဟိုတယ်အား တိုင်းရင်းသားလုပ်ငန်းရှင်တစ်ဦးမှ နှစ်(၃၀) လုပ်ကိုင်ခွင့်ရရှိ
ရန်ကုန်တိုင်းဒေသကြီး၊ကွမ်းခြံကုန်းမြို့နယ်အတွင်းရှိ ဟိုတယ်နှင့်ခ ...
ငလျင်ဒဏ်ထိခဲ့သည့် မန္တလေးရှိ Ritz Grand Hotel ကို အင်ဂျင်နီယာလေးဖွဲ့ စစ်ဆေးချက်အရအဓိက Structural members မထိခိုက်ပဲအလှအုတ်နံရံများသာ ထိခိုက်ခဲ့ဟု ဆို
ငလျင်ဒဏ်ထိခဲ့သည့် မန္တလေးရှိ Ritz Grand Hotel ကို အင်ဂျင်နီယာလေး ...
ငလျင်ဒဏ်ထိဟိုတယ်များကို ချေးငွေပေးရန် စာရင်းကောက်ယူနေ
ပြီးခဲ့သည့် မတ်လ(၂၈) ရက်က စစ်ကိုင်းမြို့အနီးကို ဗဟိုပြုပြီး အင်အ ...