Travelling Journal

ရန်ကုန်တိုင်းဒေသကြီး နှင့် ဧရာဝတီတိုင်းဒေသကြီးအတွင်းရှိ မြို့များြဖစ်ကြသည့် တွံတေး-ဒေးဒရဲ-ဖျာပုံ-ကျိုက်လတ်မြို့များသို့ နေ့ချင်းြပန် ဘုရားဖူးနှင့်လေ့လာရေးခရီးစဉ်ကို ြပည်တွင်းဘုရားဖူးနှင့်ခရီးသွားဝန်ဆောင်မှုအသင်း(DPTOA) မှ ဦးဆောင်ကာ သွားရောက်ခဲ့ကြောင်း သိရသည်။

အဆိုပါ မြို့လေးမြို့ဘုရားဖူးခရီးစဉ်ကို ပြီးခဲ့သည့် စက်တင်ဘာ (၈) ရက်က သွားရောက်ခဲ့ပြီး ခရီးသည်ပေါင်း (၁၇၀) ကျော်လိုက်ပါခဲ့ကြောင်း ပြည်တွင်းဘုရားဖူးနှင့်ခရီးသွားဝန်ဆောင်မှုအသင်း(DPTOA)မှ တွဲဖက်အထွေထွေအတွင်းရေးမှူး ဦးမျိုးသိန်းကျော်က Travelling သို့ ပြောသည်။

“ကျွန်တော်တို့အသင်းကနေ ဒါက ပထမဆုံး လေ့လာရေးခရီးစဥ်အနေနဲ့သွားရောက်ခဲ့တာဖြစ်ပါတယ်။ (၃၃) ယောက်စီး ကားငါး စီးနဲ့ ကားသေးတစ်စီးအပါအဝင် ခရီးသည်ပေါင်း (၁၇၀)ကျော် လိုက်ပါခဲ့ပါတယ်။ နေ့ချင်းပြန်သွားလို့ရတဲ့ခရီးစဥ်လမ်းကြောင်းလေးတွေနဲ့ နီးနေပေမဲ့လည်းမရောက်ဖြစ်ကြသေးတဲ့ ဘုရားဖူးနေရာတွေကို သွားရောက်ခဲ့ကြပါတယ်။ ဒီလိုမျိုးခရီးစဥ်တွေကို သုံးလတစ်ကြိမ်လောက်ဖော်ဆောင်သွားဖို့ရှိပါတယ် “ဟု ဦးမျိုးသိန်းကျော်က Travelling သို့ ပြောသည်။

ခရီးစဉ်တွင် ပထမဆုံးအနေဖြင့် တွံတေးမြို့မှ တဖုဿ နှင့် ဘလ္လိကကုန်သည် ညီနောင်နှစ်ဦး၏ မွေးဖွားရာ ဇာတိမြေ၌တည်ထားကိုးကွယ်ထားသော ရွှေဆံတော်ဘုရားကြီး၊ကျိုက်ဖူး – ကျိုက်ပါစေတီ နှင့် ဗုဒ္ဓတစ်ထောင်ဘုရားများ၊ ရှေ့ခေတ်ဘုရင်များကိုယ်တိုင် ဆုတောင်းအဓိဌာန်ပြုသည့်မောင်းတီးစေတီနှင့် ဗောင်းတော်ချုပ်စေတီသတ္တဌာနတို့ကို သွားရောက်ဖူးမြှော်ခဲ့ကြကြောင်းသိရသည်။

ထို့နောက် ဒေးဒရဲမြို့မှ ထင်ရှားကျော်ကြားသည့် ကျိုက်ဒေးယုံဘုရားကြီး၊ ဖျာပုံမြို့ရှိပြည်လုံးချမ်းသာ( သာစည်) ဘုရားကြီးနှင့် ကျိုက်လတ်မြို့ ရှိ မဟာအတုလမြတ်မုနိရပ်တော်မူဘုရား၊ ဥယျာဥ်ဝပေါ်တော်မူဘုရားတို့ကို သွားရောက်လေ့လာဖူးမြှော်ခဲ့ကြောင်း သိရသည်။

အဆိုပါဘုရားဖူးနှင့်လေ့လာရေးခရီးစဥ်ကို ပြည်တွင်းဘုရားဖူးနှင့်ခရီးသွားဝန်ဆောင်မှုအသင်း(DPTOA) လက်အောက်ရှိ ခရီးသွားဝန်ဆောင်မှုလုပ်ငန်းများဖြစ်သည့် သန်းဌေးနှင့်ရောင်းရင်းများ၊စေတနာရှင်၊GoldenLight၊ ဇော်ရဲနိုင် ၊ရွှေလမ်းခရီး၊ကိုကျော်နှင့်ရောင်းရင်းများ၊ချယ်ရီလွင်၊သုံးရာသီ၊ KaungKaungFamily နှင့် လပြည့်ဝန်း စသည့် ခရီးသွားဝန်ဆောင်မှု ( ၁၀) သင်းမှ စုပေါင်းပြီးလေ့လာရေးခရီးစဥ် ကိုသွားရောက်ခဲ့​ကြောင်း သိရသည်။

Photo Travelling Journal