မြန်မာ့ခရီးသွားဘဏ် (𝐌𝐓𝐁 𝐁𝐚𝐧𝐤)၏ (၁၉)ခုမြောက်ဘဏ်ခွဲကို ပဲခူး မြို့တွင် ဖွင့်လှစ်မည်

#Travelling Journal မြန်မာ့ခရီးသွားဘဏ်၏ (၁၉) ခုမြောက် ဘဏ်ခွဲကို ပဲခူးတိုင်းဒေသကြီးတွင် မကြာခင် ဖွင့်လှစ်သွားမည်ဖြစ်ကြောင်းသိရသည်။ အဆိုပါ ဘဏ်ခွဲကို လာမည့်ဇူလိုင်လ (၁၄) ရက်တွင်အမှတ်(၃၃၁)၊ရွှေ ...

တင်ဆက်သူ - Admin / 04-07-2025

#Travelling Journal

မြန်မာ့ခရီးသွားဘဏ်၏ (၁၉) ခုမြောက် ဘဏ်ခွဲကို ပဲခူးတိုင်းဒေသကြီးတွင် မကြာခင် ဖွင့်လှစ်သွားမည်ဖြစ်ကြောင်းသိရသည်။

အဆိုပါ ဘဏ်ခွဲကို လာမည့်ဇူလိုင်လ (၁၄) ရက်တွင်အမှတ်(၃၃၁)၊ရွှေမော်ဓောဘုရားလမ်းနှင့် (၃၃)လမ်းထောင့်၊ ရှင်စောပုရပ်ကွက်၊ ပဲခူးမြို့၌ ဖွင့်လှစ်သွားမည်ဖြစ်ကြောင်း သိရသည်။

“အခု ဘဏ်နဲ့ဆို (၁၉ )ခုရှိပါပြီ ။ မြန်မာ့ခရီးသွားဘဏ် ခွဲတွေကို တိုင်းနဲ့ပြည်နယ်တွေမှာ ဖွင့်လှစ်ထားရှိနေပါတယ်။ ဘဏ်ဝန်ဆောင်မှုတွေ လုပ်ဆောင်ရာမှာပိုပြီး လျင်မြန်လုံခြုံစိတ်ချစွာနဲ့ဆောင်ရွက်နိုင်အောင် အခုလိုမျိုးဘဏ်ခွဲတွေကို ဖွင့်လှစ်ဆောင်ရွက်နေပါတယ် “ဟု အဆိုပါ ဘဏ်၏ တာဝန်ရှိသူ တစ်ဦးက Travelling သို့ပြောသည်။

လက်ရှိတွင်မြန်မာ့ခရီးသွားဘဏ် (MTB Bank)အနေဖြင့် ရန်ကုန်မြို့၌ MTB Bank ဆူးလေ(ရုံးချုပ်) ဘဏ်ခွဲ၊ ရန်ကုန်မြို့ပြည်လမ်းဘဏ်ခွဲ၊ ဘုရင့်နောင်ဘဏ်ခွဲ၊ရွှေဘုံသာဘဏ်ခွဲ ၊ရွှေဂုံတိုင်ဘဏ်ခွဲ ၊ယုဇနပလာဇာဘဏ်ခွဲ ၊တက္ကသိုလ်ရိပ်သာလမ်းသစ်ဘဏ်ခွဲ၊ ရွှေတောင်တန်းဘဏ်ခွဲ တို့ကို ဖွင့်လှစ်ထားပြီးဖြစ်ကြောင်းသိရသည်။

ထို့ပြင်အုပ်ချုပ်ရေးမြို့တော်ဖြစ်သည့် နေပြည်တော်၌ (သပြေကုန်းဘဏ်ခွဲ)၊ စီးပွားရေးမြို့တော်ဖြစ်သည့်မန္တလေးမြို့ပေါ်၌ မန္တလေးမြို့(၂၇) လမ်းဘဏ်ခွဲ၊မန္တလေး (မနော်ဟရီဘဏ်ခွဲ) ၊မန္တလေး (စျေးချိုဘဏ်ခွဲ) ၊မန္တလေး(ကျွဲဆည်ကန်ဘဏ်ခွဲ) တို့ကို ဖွင့်လှစ်ထားပြီး နယ်မြို့ ဖြစ်သည့် မူဆယ်ဘဏ်ခွဲ၊ တောင်ကြီးဘဏ်ခွဲ၊ မုံရွာဘဏ်ခွဲနှင့် မြဝတီဘဏ်ခွဲ၊ ပုသိမ်ဘဏ်ခွဲတို့ကို ဖွင့်လှစ်ထားရှိကာ မကြာခင် ဖွင့်လှစ်မည့် ပဲခူးဘဏ်ခွဲ အပါဝင် ဘဏ်ခွဲစုစုပေါင်း (၁၉ ) ဘဏ်တိတိကို ဖွင့်လှစ် ထားရှိပြီဖြစ်ကြောင်း သိရသည်။