သုံးနှစ်ကျော် ပိတ်ထားသည့် မိုင်းလားလမ်း ပြန်ဖွင့်လှစ်ပြီး လွယ်တိုင်းရင်းသားများ၏ ရှေးဟောင်းရှားပါး အနုလက်ရာများကို လေ့လာကြည့်ရှုခွင့် ရပြီ

Travelling Journal သုံးနှစ်ကျော် ပိတ်ထားခဲဲသည့် အထူးဒေသ( ၄) မိုင်းလားလမ်း ပြန်ဖွင့်လှစ်ပြီး လွယ်တိုင်းရင်းသားများ ဆောက်လုပ်ထားသည့် ရှေးဟောင်း ရှားပါးအနုလက်ရာ အဆောက်အအုံများကို ပြည်တွင်းခရီးသွာ ...

တင်ဆက်သူ - Admin / 10-03-2023

Travelling Journal

သုံးနှစ်ကျော် ပိတ်ထားခဲဲသည့် အထူးဒေသ( ၄) မိုင်းလားလမ်း ပြန်ဖွင့်လှစ်ပြီး လွယ်တိုင်းရင်းသားများ ဆောက်လုပ်ထားသည့် ရှေးဟောင်း ရှားပါးအနုလက်ရာ အဆောက်အအုံများကို ပြည်တွင်းခရီးသွားဧည့်သည်များ လေ့လာကြည့်ရှုနိင်ပြီဖြစ်ကြောင်း သိရသည်။

သုံးနှစ်ကျော်ဝန်းကျင် ခန့် ပိတ်ထားခဲ့သည့် မိုင်းလားလမ်းကို လွန်ခဲ့သည့်တစ်လကျော်လောက်ကပြန်လည်ဖွင့်လှစ်ခဲ့ကြောင်း သိရသည်။

“နိုင်ငံခြားသားကိုတော့ နေ့ချင်းပြန် လည်ပတ်ခွင့်ပေးပါတယ်။ ဒါပေမဲ့ အခုထိတော့မလာသေးပါဘူး။ ညအိပ်ခွင့်တော့မရပါဘူး။ကျိုင်းတုံကနေ မိုင်းလားကို သွားရင် မိုင်းလားမြိုဝင်ဂိတ်မှာ နှာခေါင်းတို့ဖတ်စစ်ဆေးရပါတယ်။ အဲဒီအတွက်( ၁၀) ယွမ် ပေးရပါတယ်။ Clear ဖြစ်မှသာ မိုင်းလားမြိုထဲကို ဝင်ရပါတယ်” ဟု ဟိုတယ်နှင့်ခရီးသွားညွှန်ကြားမှု ဦးစီးဌာန( ကျိုင်းတုံ)မှ တာဝန်ရှိသူ တစ်ဦးက Travelling သို့ ပြောသည်။

ယင်းလမ်းပိုင်းဖွင့်လှစ်ခဲ့ခြင်းကြောင့် မိုင်းလားဒေသအတွင်းရှိ ရှေးကျလှသည့် ရှေးဟောင်းစေတီများနှင့် ရှေးဟောင်းအဆောက်အအုံများကို လေ့လာခွင့်ရကြောင်း၊ သိုသော် နိုင်ငံခြားသား ညအိပ်လည်ပတ်ခွင့်ကို ခွင့်မပြုထားကြောင်း ကျိုင်းတုံ အခြေစိုက်ဟိုတယ်လုပ်ငန်းရှင် တစ်ဦးက Travelling သို ပြောသည်။

“ရှေးဟောင်းအနုလက်ရာတွေ အများကြီးရှိတာပါ။ မိုင်းလားလမ်းဖွင့်တုန်း ပြည်တွင်းခရီးသွားဧည့်သည်တွေ လာပြီးလည်ပတ်နိုင်ပါတယ်။ ကျိုင်းတုံကနေ ၅၆ မိုင်ပဲ ဝေးပါတယ်။ ကားမောင်းချိန်နဲ့ဆို နှစ်နာရီခွဲလောက်ပဲ ကြာပါတယ်”ဟု ကျိုင်းတုံအခြေ စိုက်ဟိုတယ်လုပ်ငန်းရှင် တစ်ဦးက Travelling သို ပြောသည်။

မိုင်းလားတွင် ထင်ရှားသည့်နေရာများမှာ မိုင်းလားမြို မူကန်းအုပ်စု၊ မွန်းကဲလွယ်ဘုန်းကြီးကျောင်း၊ မိုင်းလားလမ်း ဝမ်ညှပ်ရွာ+ ဘုန်းကြီးကျောင်း၊ ဝမ်ရှဲန်ရွာဘုန်းကြီးကျောင်း၊ ဝပ်နောင်လုံ ဘုန်းကြီးကျောင်း၊ ဆီလူးလမ်းဘက်က ဝပ်ယန်းငင်း ၊ မွန်းကဲလွယ်ရွာဘုန်းကြီးကျောင်း တိုဖြစ်ကြောင်း သိရသည် ။

မိုင်းလားဒေသတွင် ရှမ်း တိုင်းရင်းသား။ အာခါတိုင်းရင်းသားနှင့် လွယ် တိုင်းရင်းသားများ နေထိုင်ကြောင်း သိရသည်။