ယဉ်ယဉ်လှ

ရှမ်းပြည်နယ် မြောက်ပိုင်း ကျောက်မဲခရိုင်၊နောင်ချိုူ မြို့နယ် ရှိ ကမ္ဘာကျော် ဂုတ်ထိပ်နှင့် ဂုတ်တွင်း အကြားကို မှန်တံတား ထိုးရန် လုပ်ငန်းစီမံချက် တင်ပြလာသူ ရှိကြောင်း ရှမ်းပြည်နယ် ဟိုတယ်နှင့်ခရီးသွား ညွန်ကြားမှု ဦးစီးဌာနမှ ညွန် ကြားရေးမှုး ဦးထင်အောင်နိုင် က Travelling Journal သို့ ပြောသည်။

ရှေးဟောင်း သမိုင်းဝင် ကမ္ဘာ့ အသိအမှတ်ပြု အမြင့်ဆုံး နှင့် ဒုတိယ အရှည်ဆုံး တောင်ကြော ပြတ် ဂုတ်ထိပ်တံတား မီးရထားလမ်း၏ ၁. ၇၅ ကီလိုမီတာ အနီး ဝန်းကျင်တွင် မှန်တံတား စီမံကိန်းကို ( Glass Plank Walkway ) ကို ဆောင်ရွက်ရန် သက်ဆိုင်ရာများမှ ကွင်းဆင်း စစ်ဆေးခဲ့ပြီးဖြစ်ကြောင်း ရှမ်းပြည်နယ် ဟိုတယ်နှင့် ခရီးသွား ညွန်ကြားမှု ဦးစီးဌာနမှ ညွန် ကြားရေးမှုး ဦးထင်အောင်နိုင် ကTravelling Journal သို့ ပြောသည်။

” မူဆယ်ဘက်က လုပ်ငန်းရှင်တစ်ယောက်ပါ။ အဲဒီလုပ်ငန်းရှင်က မှန်တံတား လုပ်ဖို့ တင်ပြလာပါတယ်။ အဲဒီမြေတွေက သစ်တောမြေ ဖြစ်နေလို့ လက်ရှိမှာတော့ ညှိနှိုင်းဆွေးနွေးနေပါတယ်” ဟု၎င်း က ပြောသည်။

လက်ရှိတွင် ရှမ်းပြည်နယ် ဟိုတယ်ခရီးအနေဖြင့်ခရီးသွားဧည့်သည်များ ဝင်ရောက်မှုများပြားလာရန်နှင့် ခရီးစဉ်ဒေသအသစ်များကို ဖော်ထုတ် နေသလို နိုင်ငံတကာ အဖွဲ့စည်းများဖြင့်လည်း ဆောင်ရွက်နေသည့် ကဏ္ဍများလည်း ရှိနေကြောင်းသိရသည်။

ထို့အပြင် ကရင်ပြည်နယ်၏ အထင်ရှားဆုံးဖြစ်သည့် ဆံတော်ရှင်ဇွဲကပ င်တောင်ပေါ်တွင်လည်း မှန်သားကြမ်းခင်းဖြင့်ပြုလုပ်ထားသည့် မှန်တံတားကိုလည်း ၂၀၁၈ နှစ်ကုန်ပိုင်းလောက်မှ စတင်အကောင်အထည်ဖော်ခဲ့ပြီးဖြစ်သည်။

Travelling_Journal/Vol_1_Issue_1

Photo_ဟိုတယ်/ခရီးညွှန်ကြားမှုဦးစီးဌာန(ရှမ်းပြည်နယ်)